“კლავენ სამართლიანობისთვის ბრძოლის ერთ-ერთ სიმბოლოს”

საქართველოს სახალხო დამცველი უჩა ნანუაშვილი იური ვაზაგაშვილის გარდაცვალების ფაქტს ეხმაურება და აცხადებს, რომ ქვეყანაში სამართლიანობისთვის ბრძოლის ერთ-ერთ სიმბოლოს კლავენ. 

“იქ, სადაც ათასობით ადამიანი თავს უფლებაშელახულად მიიჩნევს;

იქ, სადაც ეფექტური გამოძიება არაერთ საქმეზე კვლავ სერიოზული პრობლემაა;

იქ, სადაც დაუსჯელობის სინდრომი კვლავ გამჯდარია;
იქ, სადაც არ იქმნება მართლმსაჯულების ხარვეზის დამდგენი მექანიზმი;

სადაც წამების მსხვერპლნი კვლავ რეაბილიტაციას მოითხოვენ და ათასობით ადამიანი – კვლავ საქმის გადასინჯვას, იმ ქვეყანაში კლავენ სამართლიანობისთვის ბრძოლის ერთ-ერთ სიმბოლოს”, – წერს სახალხო დამცველი საკუთარი "ფეისბუკის" გვერდზე