იური ვაზაგაშვილის გარდაცვალების ფაქტს საქართველოს პრეზიდენტი გამოეხმაურა:
_ მწუხარებას გამოვთქვამ იური ვაზაგაშვილის გარდაცვალების გამო. იმედს გამოვთქვამ, რომ გამოძიება დროულად დაადგენს ჭეშმარიტებას.
თუმცა, ეს ვერ გაანელებს იმ ტკივილს, რასაც თითოეული ჩვენგანი განიცდის ვაზაგაშვილების ოჯახში დატრიალებული კიდევ ერთი შემზარავი ტრაგედით.
ამ მძიმე წუთებში სამძიმარსა და თანადგომას ვუცხადებ გარდაცვლილის ოჯახს, ახლობლებს, ყველა იმ ადამიანს, რომელიც წლების განმავლობაში ბატონ იურისთან ერთად იბრძოდა სიმართლისა და ადამიანის უფლებების დასაცავად, _ აღნიშნულია გიორგი მარგველაშვილის მიერ გავრცელებულ განცხადებაში.
