ადვოკატთა ასოციაციის თავმჯდომარე ზაზა ხატიაშვილი იური ვაზაგაშვილის მკვლელობას ეხმაურება და წერს, რომ ვაზაგაშვილის სავარაუდო მკვლელი ხელისუფლებამ დააწინაურა.
"დღეს მოხდა საზარელი ტრაგედია მოკლეს სამოქალაქო საზოგადოებისთვის საყვარელი პიროვნება ბატონი იური ვაზაგაშვილი , კაცი რომელმაც თავისი ბრძოლით უამრავი ადამიანის სიცოცხლე გადაარჩინა. ბატონმა იური ვაზაგაშვილმა დიდი როლი ითამაშა სააკაშვილის რეჟიმის დამარცხებაში, მაგრამ ბიძინას ხელისუფლებიდან ვერ ეღირსა მისი შვილის მკვლელების დასჯას, პირიქით ზურა ვაზაგაშვილის სავარაუდო მკვლელები ახალმა ხელისუფლებამ სამსახურებრივად დააწინაურა.
ვის უნდა დაესაჯა ზურაბ ვაზაგაშვილის მკვლელები იმ პროკურორებს რომლებმაც გააყალბეს სისხლის სამართლის საქმის მასალები ? ვინ უნდა გამოიძიოს იური ვაზაგაშვილის მკვლელობა იმათ ვინც გააყალბა ზურაბ ვაზაგაშვილის მკვლელობის საქმის მასალები ? მე ვარ ავტორი სტრასბურგში, ადამიანის უფლებათა დაცვის სასამართლოში გაგზავნილი საჩივრისა, სოზარ სუბარმა სახალხო დამცველის რანგში როდესაც შეისწავლა სისხლის სამართლის საქმე ზურა ვაზაგაშვილის მკვლელობა შეაფასა როგორც სახალხო დახვრეტა. ახალ ხელისუფლებას ელემენტარულად, რომ ჩაეხედა სისხლის სამართლის საქმეში დარწმუნდებოდა სიყალბეთა კორიანტელში, პროკურორმა კ.ნიქაცაძემ 2007 წლის 20 აპრილის დადგენილებით სისხლის სამართლის საქე შეწყვიტა ზურა ვაზაგაშვილის მკვლელობის ფაქტზე და მიუთითა, რომ ზურა ვაზაგაშვილის მართვის ქვეშ მყოფი მანქანის ბოძზე შეჯახების შემდეგ შეწყდა სროლები მანქანის მიმართულებით, მაშინ როდესაც, თვითონ შინაგან საქმეთა სამინისტროს მიერ გამოქვეყნებული ვიდეო მტკიცებულებებით დგინდებოდა საპირისპირო . დღს პროკურორი ნიქაცაძე ისევ პროკურორია, ვინმეს იგი, რომ მიეცა პასუხისგებაში თანამდებობის უფლებამისილების ბოროტად გამოყენების გამო იგი აჭიკჭიკდებოდა და სავარაუდო დამკვეთებს დაასახელებდა, რაც სავარაუდოდ ბიძინას ხელისუფლებას არ აწყობდა.
შეიძლება დღევანდნელი ხელისუფლების პირველი პირები სამძიმარზეც კი მივიდნენ პოლიტიკოსებს ხომ არაფრის არ რცხვენიათ. არავის არ უნდა სიმართლის მოსმენა სიმართლე კი ერთია, მოკლეს დიდი ქართველი, რომელიც შეიწირა სააკაშვილის და ივანიშვილის ხელისუფლებამ, ნათლში იყოს მისი სული"- წერს ხატიაშვილი ფეისბუქის საკუთარ გვერდზე.
