ევროპის ახალგაზრდული ოლიმპიური ფესტივალის "თბილისი 2015"-ის საორგანიზაციო კომიტეტის ინფორმაციით, ჩახუტების საერთაშორისო დღის აღსანიშნავად ისინი თბილისის ქუჩებში გავლენ. მთელი დღის განმავლობაში ქუჩაში გამვლელებს ოლიმპიური ფესტივალის თილისმა – ხოხობი პიკო, ჩაეხუტება.
"გვინდა, რომ პიკო უკეთ გავაცნოთ საზოგადოებას უჩვეულო, მაგრამ სახალისო გზით, რომელსაც ჩახუტების აქცია ეწოდება. მასთან ერთად, ოლიმპიადაში მონაწილე 9 ფედერაციის სპორტსენები, მოხალისეები და სკ-ს წევრები იქნებიან", _ აცხადებენ კომიტეტში.
კომიტეტის ინფორმაციით, ჩახუტების დღეს მთელ მსოფლიოში 21 იანვარს აღნიშნავენ. პირველად კი ეს დღესასწაული 1986 წელს აშშ-ში ჩატარდა. ფსიქოლოგთა აზრით, ჩახუტება სტრესს ხსნის, სისხლის წნევის რეგულაციასა და გულსიცემის რიტმის აღდგენას ხელს უწყობს.
ჩახუტების დღესთან დაკავშირებული ღონისძიებები გაიმართება 12:00 საათზე ილიას სახელმწიფო უნიევერსიტეტში, 13:30 საათზე ტექნილური უნივერსიტეტი (6-ე კორპუსი), 14:30 საათზე ოლიმპიური სოფელი.
