საქმე ეხება "დონ კიხოტი"-ს ავტორის, მიგელ დე სერვანტესის საფლავს. Associated Press – ი ავრცელებს ინფორმაციას, რომ არქეოლოგებმა ერთ-ერთ სამლოცველოში კუბოს ფრაგმენტს მიაკვლიეს, რომელზეც ინიციალები "მ. ს." არის გამოსახული.
ლეგენდარული ესპანელი მწერალი 1616 წელს გარდაიცვალა და შემონახული ცნობების თანახმად მადრიდის ლიტერატურულ კვარტალში, ბარეფოთის მონასტერში დამარხეს. თუმცა, მკვლევარებმა დღემდე ვერ მიაგნეს მის საფლავს.
მეცნიერები ვარაუდობენ, რომ სერვანტესის ნაშთი უნდა მდებარეობდეს იმ სამ სამარხში, რომელიც დღეისათვის შეუსწავლელია და ცოტა ხნის წინ მიწისქვეშა ნიშაში აღმოაჩინეს. სამარხი ათი ადამიანის ნაშთებს შეიცავს და მასში ესპანელი ანთროპოლოგის ფრანცისკო ეჩევერიას აზრით, ბავშვების ძვლებიც უნდა იყოს.
მკვლევარებს რომლებიც მოპოვებულ ნაშთებს უკვე სწავლობენ ხელთ ზუსტი მინიშნებებიც გააჩნიათ. მათ იციან, რომ სერვანტესი 68 თუ 69 წლის ასაკში გარდაიცვალა და გარდაცვალების წინ მხოლოდ ექვსი კბილი გააჩნდა. გარდა ამისა მწერალი სამჯერ დაიჭრა 1571 წელს ლეპანტოსთან ბრძოლაში.
სერვანტესი მსოფლიოს ლიტერატურულ მოღვაწეთა შორის ერთერთი ცნობილი მწერალია. იგი ლექსებს, პიესებს და მოთხრობებს წერდა, მაგრამ საყოველთაო აღიარება მას "დონ კიხოტ"-მა მოუტანა რომელიც მსოფლიოს უამრავ ენაზეა თარგმნილი.
გამოყენებულია www.independent.co.uk-სა და www.latimes.com -ის მასალები
