შსს-ს საქართველოში ინტერპოლის ეროვნული ცენტრალური ბიუროს თანამშრომლებმა თბილისში დააკავეს ამერიკის შეერთებული შტატების მიერ 2011 წლის 13 სექტემბრიდან წითელი ცირკულარით საერთაშორისო დონეზე ძებნილი, ამერიკის შეერთებული შტატებისა და ირანის ისლამური რესპუბლიკის მოქალაქე, 1979 წელს დაბადებული ალირეზა ალ საზეგარი.
ალირეზა ალ საზეგარს ბრალად ედება ამერიკის შეერთებული შტატების კალიფორნიის შტატის სისხლის სამართლის კოდექსის 273.5(ა) მუხლით გათვალისწინებული დანაშაულის ჩადენა, რაც გულისხმობს ოჯახის წევრის ცემას, რამაც გამოიწვია სხეულის დაზიანება. ამასტან, მას ბრალად ედება გატაცება, დამამძიმებელ გარემოებებში თავდასხმა, თავისუფლების უკანონო აღკვეთა იძულებით და/ან მოტყუებით, მოწმისათვის დანაშაულის გამჟღავნების ხელის აღება.
ამჟამად ალირეზა ალ საზეგარი დაკავებულია და მის მიმართ კანონით გათვალისწინებული წინასაექსტრადიციო პროცედურები მიმდინარეობს.
