მიმდინარე წელს საქართველოში 2872 წყვილის ქორწინება დარეგისტრირდა.
სერვისების განვითარების სააგენტოს სტატისტიკით, გასულ წელს საქართველოში 30 844 წყვილის ქორწინება დარეგისტრირდა, 2013–ში–34 394 წყვილის, 2012 წელს – 29 932 წყვილის, 2011 წელს – 30 861, 2010 წელს – 34 449, 2009 – 31 796 წყვილის ქორწინება დარეგისტრირდა, ხოლო 2008 წელს 24 696 ხელი წყვილმა მოაწერა.
რაც შეეხება, ასაკობრივ ჯგუფებს, საქართველოში ყველაზე ხშირად 20-25 წლამდე ქალბატონები იგივე ასაკობრივი ჯგუფის მამაკაცებზე ქორწინდებიან, თითქმის იმავე ინტენსივობით 20-დან 25 წლამდე ქალბატონები მეუღლედ 25-დან 30 წლამდე მამაკაცს ირჩევენ და ხშირად 25-დან 30 წლამდე ქალბატონები იმავე ასაკის მამაკაცებზე ქორწინდებიან.
აღსანიშნავია, რომ საქართველოში არსებულ ქორწინების სახლებს, გუშინ, ახალი თანამედროვე სტანდარტების შესაბამისი ქორწინების სახლი ზუგდიდშიც დაემატა. ქორწინების სახლი საქართველოს იუსტიციის მინისტრმა თეა წულუკიანმა დაქორწინების მსურველი პირველი წყვილის ბადრი ქირიასა და მარიამ კვარაცხელიას ქორწინება საზეიმო ცერემონიალის თანხლებით ჩატარდა.
ცნობისთვის, 2015 წელს ქალაქ ზუგდიდში 87 წყვილი დაქორწინდა.
აღსანიშნავია ის ფაქტიც, რომ 8 თებერვალს, ქალაქ ზუგდიდში ქორწინების სახლის გახსნა სიმბოლურად ქორწინების საერთაშორისო დღეს დაემთხვა.
ამ დრომდე, ქალაქ ზუგდიდში ქორწინების მსურველებს შეეძლოთ მიემართათ იუსტიციის სახლისთვის, სადაც ქორწინების რეგისტრაცია საზეიმო რიტუალის გარეშე არის შესაძლებელი. ამჯერად ნებისმიერ წყვილს საშუალება აქვს ქორწინების რეგისტრაცია საზეიმო ცერემონიალის თანხლებით, უახლესი დიზაინით მოწყობილ ქორწინების დარბაზში დაარეგისტრირონ.
ინფორმაციისთვის, სერვისების განვითარების სააგენტოს ზუგდიდის ქორწინების სახლის სამუშაო დღეებია: ოთხშაბათი, ხუთშაბათი, პარასკევი, შაბათი, კვირა (დასვენების დღეები: ორშაბათი, სამშაბათი). მოქალაქეთა მიღება წარმოებს: 09:30–დან 17:00 საათამდე.
აღნიშნულ სამსახურში, ქორწინების რეგისტრაციის სპეციალური საზეიმო მომსახურების საფასური 50 ლარი იქნება.
