პროკურატურის მიერ გავრცელებულ ინფორმაციას, რომლის თანახმადაც იური ვაზაგაშვილის მკვლელობაში ეჭვმიტანილი პირი, პოლიციის თანამშრომელი გია სოსანაშვილი დაკავებულია გამოხმაურებები უკვე მოჰყვა სოციალურ ქსელში:
დავით დარჩიაშვილი, "ნაციონალური მოძრაობის წევრი: "გამოსავალი ერთია – იური ვაზაგაშვილის საქმეზე მოვითხოვოთ FBI-ს დასკვნა: ვაზაგაშვილი ამ მთავრობისათვის, ჩანს, ჟვანიაზე ნაკლები ფიგურა არ იყო და მისი დაღუპვაც არანაკლებ რეზონანსულია. მერე გავიგებთ იყო დნმ, არ იყო დნმ და ა.შ.
ეგებ ჯერ ის განმარტონ, როგორ შეიძლება ხელყუმბარა აქციო თვითფეთქებად ნაღმად? სინი იყო გაბმული, რომელსაც ფეხს წამოკრავდი და "ჩეკა" გამოძვრებოდა ხელყუმბარიდან, თუ როგორ?
თუ ეს სოსანაშვილი და დნმ საერთოდ არსებობს, გამოძიება მისსა და ვაზაგაშვილის ურთიერთობის გარკვევაზე უნდა მუშაობდეს. მაგრამ არ იმუშავებს".
ლალი მოროშკინა, სასჯელაღსრულების მინისტრის ყოფილი მრჩეველი: "დიდი მადლობა პროკურატურის,შსს-ს,კონტრდაზვერვის ბიჭებს! ახლა მთავარი დამკვეთის დაკავების დროა!!!"
გოგა ხაჩიძე, საპარლამენტო უმცირესობის წევრი: "რად გვინდა უზენაესი სასამართლოს თავჯდომარის კანდიდატურაზე ფიქრი, ან საერთოდ სასამართლო რად გვინდა?!
პირდაპირ პროკურატურამ თქვას, ვინაა მკვლელი და ვინ არა. რა, არ ვენდობით თუ რა…
პირველადი შთაბეჭდილება – რაღაც სისულელე გვითხრეს, განსაკუთრებით დნმ ანალიზთან დაკავშირებით…
დნმ-ის სინჯი ადგილიდან აიღეს, ანალიზი ჩაუტარეს, შემდეგ ამ დნმ-ის იდენტიფიცირება მოახდინეს და წალკის ყოფილი პოლიციელი დააკავეს?!
სგ, სგ, 4G?! არ ვიცი…
იმედია, მალე უფრე მეტი გვეცოდინება…".
ნანუკა ჟორჟოლიანი, ტელეწამყვანი: "გიორგი სანაიას მკვლელობის საქმე გამახსენდა. დაკავებული პოლიციელი იყო….
როდესაც ეს ხელისუფლება ოპოზიციაში იყო, ყველა გახსნილ საქმეს ეჭვქვეშ აყენებდა. ეს არ იყო სწორი.
არ მინდა იგივე შეცდომა განმეორდეს. მაგარია ეს საქმე რომ გაიხსნა. ამ საქმის გახსნა, ძალიან მნიშვნელოვანი იყო. იმედია ასე გაიხსნება რაფალიანცის საზარელი მკვლელობა, ეროსის საქმეც. მთავარი და ყველაზე საინტერესოა მოტივი.
საინტერესოა ასე რატომ გაიმეტა მკვლელმა იური ვაზაგაშვილი. შვილის საფლავზე მამა ააფეთქო, წარნოუდგენელი ამაზრზენი სადიზმია! იმედია მოტივსაც მალე გვეტყვიან…
მეც ვეთანხმები. ყველა მეუბნება, რომ ადგილზე, სადაც აფეთქება ხდება წარმოუდგენელი დნმზე ლაპარაკიო".
ეკა ბესელია, საპარლამენტო უმრავლესობის წევრი: "სახელმწიფოებრივი მნიშვნელობის რანგში იყო აყვანილი იური ვაზაგაშვილის საზარელი მკვლელობის გახსნა. ამ დანაშაულს ბევრი თანამდევი გაგრძელების განზრახვა ახლდა.
საზარელი ხელწერა და წარსულის გაგრძელების მცდელობა, რაც გამოაშკარავა პროკურატურამ და შს სამინისტრომ. იმუშავეს კოორდინირებულად და ორგანიზებულად ამ ურთულეს საქმეზე და გაიხსნა დანაშაული! ბევრი რამ კიდევ გაირკვევა."
ეკა ხერხეულიძე, "ნაციონალური მოძრაობის" წევრი: "ვერ ვიქნები პროკურატურის მსგავსი წინდაუხედავი, რომელმაც ეჭვმიტანილი პირდაპირ მკვლელად გამოაცხადა, მაგრამ გაუგონარი ამბავი ნამდვილად ხდება ჩვენს ქვეყანაში, თუკი, რა თქმა უნდა, მუნდირს აღარ აქვს მნიშვნელობა და მოქმედი პოლიციელი აყაჩაღებს ბანკს და შვილის საფლავზე აფეთქებს მამას.
გაცილებით დიდი პრობლემის წინაშე ვდგავართ, ვიდრე ეს ორი კონკრეტული ფაქტი".
გიორგი ონიანი, იურისტი: "ყველაზე მნიშვნელოვანი კითხვა რაზეც აუცილებლად მოუწევს დღევანდელ ხელისუფლებას პასუხის გაცემა: თუ მათ თავიდანვე დაგეგმილი არ ჰქონდათ იური ვაზაგაშვილის მკვლელობის სწორედ ესე გახსნა როგორც მოხდა, რას ემსახურებოდა მინისტრ ალექსანდრე ჭიკაიძის გადაყენება და მისი ,,მორალური პასუხისმგებლობა"???
ჩემი ღრმა რწმენით ეს სცენარი დიდი ხანია ხელისუფლებისთვის ცნობილია და ამ შემთხვევაში აბსოლუტურად ლოგიკური იყო მინისტრის გადაყენება."
მარიამ საჯაია, საპარლამენტო უმცირესობის წევრი: "მგონი უფრო მეტი კითხვა გააჩინეს, ვიდრე მათზე პასუხი.
მოტივი არ თქმულა – ანუ აუხსნელია სავარაუდოდ რატომ მოკლა, კონტრდაზვერვაც ახსენა – ანუ რაღაც დიდი ხლართის ნაწილად განიხილება. კიდევ ერთი სამართლებრივი დეტალი – უდანაშაულობის პრეზუმფციაც დაარღვია –
"მკვლელი" დაკავებულიაო, არადა სასამართლოს ჯერ არ უმსჯელია".
თინა ხიდაშელი, საპარლამენტო უმრავლესობის წევრი: "აი ის ხალხი "მიყვარს" უსაზღვროდ, არასოდეს, არც ერთხელ, არც საჯაროდ და არც ისე ბუტას მკვლელობის დროს კითხვა რომ არ გასჩენია, სანდროს მკვლელობის დროს გვერდზე რომ გავყვადი და მიჩურჩულებდა, როგორ ვთქვათ, მაგრამ სვანური ამბავი იყოო. კიდევ ისინი, 2 მაისის სპეცოპერაციის დროს დაბეჯითებით, რომ ამტკიცებდნენ არ გვინახავს ვიდეოები, არ წაგვიკითხავს საქმის მასალები, არც ვინმესთან გვისაუბრია ამ თემაზე, მაგრამ კარგით რა, ხომ იცით რომ საყაჩაღოდ მიდიოდნენ და მერე პოლიციელებს ცეცხლი გაუხსნენ და რა ექნათ ბიჭებს, ეხლა 2-3-ით მეტი ტყვია თუ ისროლეს რა მოხდაო.
და დღეს რომ უკვე თითქმის ისტერიკაში არიან და ძალიან, ძალიან გონიერი სახეებით და ჩაფიქრებული რომ ხარ აი ისეთ ტემბრით ამბობენ, უსაზღროდ ბევრი კითხვებია და ძალიან უნდა მოინდომოს ხელისუფლებამ რომ დამაჯერებლობა შემატოს ამ საქმესო".
