საქართველოს მთავარ პროკურორს გიორგი ბადაშვილს ქონებრივი დეკლარაცია 2014 წლის 10 ივლისს აქვს შევსებული, თუმცა რამდენიმე დღის წინ, საჯარო სამსახურის ბიუროს ვებ-გვერდზე მისი დეკლარაციები არ იძებნებოდა.
როგორც"გურია ნიუსს“ განუცხადეს, საიტს ტექნიკური შეფერხება ჰქონდა, რის გამოც, რამდენიმე პირის ქონებრივი დეკლარაცია იმ მომენტისთვის ხელმისაწვდომი არ იყო, თუმცა აღნიშნული პირების დეკლარაციები ინფორმაციის გამოქვეყნებიდან მეორე დღეს საიტზე გამოქვეყნდა.
გიორგი ბადაშვილის დეკლარაციის მიხედვით, მთავარი პროკურორი ფლობს 48.00 კვ.მ-ის ფართობის ბინას ნუცუბიძის მე-5 მიკრო რაიონში და 129.57 კვ.მ-ის ფართობის ბინას თბილისში, ბურძგლას ქუჩაზე მშენებარე სახლში.
მამის, ნუგზარ ბადაშვილის მფლობელობაშია ავტოფარეხი თბილისში, თევდორე მღვდლის ქუჩაზე, რომლის ფართობიც 28.40 კვ.მ-ია.
ასევე ნუგზარ ბადაშვილის სახელზეა არასაცხოვრებელი ფართი თბილისში, თევდორე მღვდლის ქუჩაზე, იმავე მისამართზე, რომლის ფართობი ფართობი – 26.30 კვ.მია.
ნუგზარ ბადაშვილი ფლობს 1000.00 კვ.მ-ის მიწის ნაკვეთს თბილისში, სოფელი გლდანში (სასოფლო-სამეურნეო). ბინას თბილისში, თევდორე მღვდლის ქუჩაზე, რომლის ფართობიც 104.00 კვ.მ-ია. ამავე მისამართზე 9.25 კვ.მ-ის ფართობის სარდაფს, 30 კვ.მ-ის არასაცხოვრებელ ფართს.
ასევე, ნუგზარ ბადაშვილია არასაცხოვრებელი ფართის 35%-იანი წილის მფლობელი თევდორე მღვდლის ქუჩაზე, რომელიც 108.00 კვ.მ-ია. თანამესაკუთრეები კი, ეკატერინე ფრანგულაშვილი და ქეთევან ბურჯანაძე არიან.
ნუგზარ ბადაშვილი ფლობს თევდორე მღვდლის ქუჩაზე ავტოფარეხს, რომელიც 30 კვ.მ-ია. ასევე, არასაცხოვრებელ ფართს, რომლის ფართობიც 6.96 კვ.მ-ია.
ის არის 143097.00 კვ.მ-ის ფართობის მიწის ნაკვეთის (სასოფლო-სამეურნეო, სახნავი) მფლობელი საგარეჯოს რაიონის სოფელ მანავში. მის საკუთრებაშია საცხოვრებელი სახლი ყაზბეგში, დაბა სტეფანწმინდაში, რომლის ფართობიც 1080.00 კვ.მ-ია.
ნუგზარ ბადაშვილის სახელზეა მსუბუქი ავტომანქანა Honda crv 199.
რაც შეეხება მთავარი პროკურორისა და მისი ოჯახის წევრების ფინანსურ მდგომარეობას, როგორც დეკლარაციაშია აღნიშნული, შევსების მომენტში, გიორგი ბადაშვილის სახელზე ,,საქართველოს ბანკში“, სახელფასო ანგარშზე 4300.00 ლარი, ამავე ბანკის მიმდინარე ანგარიშზე კი, 8000.00 ლარი იყო."ბაზისბანკის“ საკრედიტო ანგარიშზე კი, 2200.00 ლარი; „საქართველოს ბანკის“ საკრედიტო ანგარიშზე კი, 7000.00 დოლარი.
რაც შეეხება ნუგზარ ბადაშვილის ფინანსურ მდგომარეობას, დეკლარაციის შევსებისას, მის მიმდინარე ანგარიშზე ,,თი–ბი–სი ბანკში“ 14890.00 ლარი იყო.
გიორგი ბადაშვილის დედის, დალილა გეგეჭკორის სახელფასო ანგარიშზე „ლიბერთი ბანკში“ 1500.00 ლარი, ,,თი–ბი–სი ბანკის“ მიმდინარე ანგარიშზე კი, 1250.00 დოლარი იყო.
დის, ნინო ბადაშვილის სახელფასო ანგარიშზე ,,საქართველოს ბანკში“ 2700.00 ლარი.
დეკლარაციის შევსებისას, გიორგი ბადაშვილს ნაღდი ფულის სახით 9000.00 ლარი, დალილა გეგეჭკორს კი, 2000.00 ლარი ჰქონდა.
რაც შეეხება ოჯახის ფინანსურ შემოსავლებს, რომელიც მათ წინა წელს მიიღეს, ასე გამოიყურება:
გიორგი ბადაშვილმა საქართველოს ფინანსთა სამინისტრო საგამოძიებო სამსახურის, საგამოძიებო დეპარტამენტის თბილისის მთავარი სამმართველოს მე-2 სამმართველოს უფროსის თანამდებობიდან 14124.00 ლარის ანაზღაურება მიიღო. საქართველოს შინაგან საქმეთა სამინისტრო ანტიკორუფციული სააგენტოს (დეპარტამენტი) დირექტორის მოადგილის თანამდებობიდან – 32626.00 ლარი, ხოლო საქართველოს მთავარი პროკურატურის საგამოძიებო ნაწილის უფროსის თანამდებობიდან – 9797.62 ლარის ანაზღაურება მიიღო.
მამამ, ნუგზარ ბადაშვილმა შპს საქართველოს მყარი ნარჩენების მართვის კომპანიიდან, სადაც ის იურისტია, 20580.00 ლარის შემოსავალი მიიღო.
დალილა გეგეჭკორის შემოსავალი თბილისის 116-ე საჯარო სკოლიდან (პედაგოგი) 5114.00 ლარი შეადგინა.
დამ, ნინო ბადაშვილმა შპს"თბილისი პარკი“ ოფის-მენეჯერის თანამდებობიდან 10736.00 ლარის შემოსავალი მიიღო.
დეკლარაციის მიხედვით, გიორგი ბადაშვილის სახელზეა იპოთეკური სესხი"ბაზისბანკში“ 36000.00 დოლარის ოდენობით, რომლის ვადაც 2012 წლის 4 მარტიდან 2019 წლის 4 მარტამდეა. სესხის ნაწილის დასაფარად გიორგი ბადაშვილმა წინა წელს 7200.00 დოლარი გასცა.
ნუგზარ ბადაშვილის სახელზეა სამომხმარებლო სესხი 4000 ლარის ოდენობით, რომლის დაფარვის ვადა 2013 წლის 1 მაისიდან 2014 წლის 1 მაისამდე იყო და უკვე დაფარულია.
2013 წელს გიორგი ბადაშვილმა თბილისში, ბურძგლას ქუჩაზე მშენებარე ბინის შესაძენად ნასყიდობის ხელშეკრულება დადო, რისთვისაც მას საქართველოს ბანკიდან 100600.00 ლარის (20/08/2013, 20/08/2013 – 20/08/2023 , 11600.00 GEL (გასავალი) და 25000.00 დოლარის (04/02/2014, 04/02/2014 – 04/02/2024) სესხი აქვს აღებული.
დეკლარაციაში ბინა 92500 დოლარად არის შეფასებული.
დეკლარაციის მიხედვით, ნუგზარ ბადაშვილმა სასოფლო-სამეურნეო პროდუქციის რეალიზაციიდან შემოსავლის სახით 39400.00 ლარი აიღო.
ოჯახი არ ფლობს ფასიან ქაღალდებს.
ამავე თემაზე:
