აქციზის გადასახადის ზრდის გამო, „სამგორი 94"-ის წარმოება 80%-ით შემცირდა და ახლა ძველ ნაშთებზე მუშაობს.
სიგარეტ "პირველის" მწარმოებელის, ერთ – ერთი მფლობელის ბიზნესმენ ავთო წერეთლის განცხადებით, ივლისიდან როდესაც ადვალორული გადასახადი ამოქმედდება უფრო რთულ მდგომარეობაში ჩააყენებს მათ წარმოებას.
ამასთან, წერეთელი აღნიშნავს, რომ მას პირადად მთავრობასთან შეხვედრა არ ჰქონია, თუმცა საკითხის დაყენებას მთავრობასთან მას შემდეგ აპირებს, როდესაც ისინი ფაქტის წინაშე დადგებიან.
კერძოდ, მისი თქმით, აგვისტომდე, ივლისში აპირებს შეხვდეს მთავრობის წარმოამდგენლებს. იქამდე კი უნდა დააკვირდეს პროცესებს, რადგან ერთი დღით ვერ განისაზღვრება ყველაფერი. ამასთან, წერეთელი აღნიშნავს, რომ შეხვედრას აზრი არ აქვს, რადგან ისინი ვერაფრით უშველიან.
„კომერსანტი" ავთო წერეთელს, ჯერ კიდევ გასული წლის ნოემბერში ესაუბრა, როდესაც ის აღნიშნავდა, რომ გადასახადების ზრდა მომხმარებელთა რაოდენობას შემცირებასთან ერთად ქვეყანაში კონტრაბანდას შემოიტანდა.
ამასთან, ის აღნიშნავდა, რომ „პირველის" გაყიდვები 2 წლის წინ 21 ათასი ყუთი იყო, რომელიც 17 ათას ყუთამდე ჩამოვიდა, ხოლო აქციზის გადასახადის გაძვირებით 2013 წელს გაყიდვები 5 ათას ყუთზეა ჩამოსული, რითაც წარმოებას ვერ ინახავენ და წარმოება სანახევროდ მუშაობს.
იმ ფასებზე კი რაც ნოემბრში ფიქსირდებოდა, წერეთელი წარმოების ჯერ კიდევ ახალ წლამდე, იანვარში კი აქციზის გაძვირებით, აუცილებლად გაჩერებას ვარაუდობდა და აცხადებდა, რომ დაახლოებით 9-10 ათასი ყუთი უნდა გაიყიდოს, რომ წარმოება შეინახონ, ახლა კი კომპანია ზარალზეა.
აღსანიშნავია, რომ მიმდინარე წლის იანვარში საგადასახადო კოდექსში შევიდა ცვლილებები, რომლის მიხედვითაც აქციზის გადასახადი კიდევ ერთხელ ფილტრიან სიგარეტზე 15 თეთრით, ხოლო უფილტრო სიგარეტზე 5 თეთრით გაძვირდა. შესაბამისად, აქციზის გადასახადი ფილტრიან სიგარეტზე 90 თეთრი, ხოლო უფილტროზე 25 თეთრი გახდა.
ამასთან, 1 ივლისიდან იგეგმება ადვალორული ტიპის გადასახადის შემოღება, რაც ერთი კოლოფი სიგარეტის ღირებულების 5%-ით დაბეგვრას გულისხმობს.
