"თავისუფალი დემოკრატების" წარმომადგენლის, დეპუტატ ზურაბ აბაშიძის განცხადებით, უმჯობესი იქნება, რომ რუსეთის ფედერაციასთან ურთიერთობის საკითხებში საქართველოს პრემიერ-მინისტრის სპეციალურმა წარმომადგენელმა ზურაბ აბაშიძემ თანამდებობა დატოვოს.
"არაკომპეტენცია და არაკვალიფიციურობა თავისთავად უნდა მოიკითხოს იმ მთავრობაში, რომელსაც წარმოადგენს. რა თქმა უნდა, ის არის დღეს ინსტრუმენტი დე-ფაქტო პრემიერ მინისტრის ხელში. მას მივმართავთ ჩვენ, უმჯობესი იქნება მისთვის, დატოვოს თანამდებობა. დღეს თუ ვინმეს აქვს კომპეტენციის და კვალიფიკაციის პრობლემა, ეს არის საქართველოს მთავრობა. ამას ჩვენ ვხედავთ ყოვედღიურად, როგორც საშინაო პოლიტიკის საკითხებში, ისე საგარეო პოლიტიკის მიმართულებით. ბატონი ზურაბ აბაშიძე გახლავთ ამ მთავრობის ერთ-ერთი ძალიან თვალსაჩინო წარმომადგენელი. როდესაც საუბარია, რომ ნატო-სკენ სვლა არის დეკლარირებული, მაგრამ ამ მიმართულებით არაფერი კეთდება, ამ შემთხვევაში ბატონი აბაშიძე არის იმ ნარატივების შემქმნელი, საზოგადოებისთვის მიმწოდებელი, რომელიც რუსეთს აწყობს და ეამება. აქედან გამომდინარე, ჩვენ მას მივმართავთ, ნუ იქნება ინსტრუმენტი ამ პირობებში და ჯობია, რომ თანამდებობა დატოვოს", _ განაცხადა ზურაბ აბაშიძემ.
როგორც ზურაბ აბაშიძემ დღეს გამართულ პრესკონფერენციაზე პრემიერის წარმომადგენლის, ზურაბ აბაშიძის განცხადებების კომენტირებისას აღნიშნა, დღეს თუ ვინმეს აქვს კომპეტენციის და კვალიფიკაციის პრობლემა, ეს არის საქართველოს მთავრობა.
მისივე თქმით, ზურაბ აბაშიძე ამ მთავრობის ძალიან მნიშვნელოვანი ნაწილია. დეპუტატის მოსაზრებით, ზურაბ აბაშიძე დღეს არის ინსტრუმენტი დე-ფაქტო პრემიერ-მინისტრის ხელში და უმჯობესი იქნება მისთვის, თანამდებობა დატოვოს.
