"ერთიანი ნაციონალური მოძრაობის" წევრს, ქალაქ ოზურგეთის საკრებულოს დეპუტატ ირინა საჯაიას, ოფიციალური განცხადებით მანდატის დატოვების შესახებ ქალაქ ოზურგეთის საკრებულოს თავმჯდომარისთვის ჯერ არ მიუმართავს.
აღნიშნული ინფორმაცია "გურია ნიუსს" საკრებულოს თავმჯდომარემ დაუდასტურა.
"ოფიციალურად არ მოუმართავს, ჩვენს სატელეფონო ზარებს კი არ პასუხობს", _ გვითხრა კობალაძემ.
"ერთიანი ნაციონალური მოძრაობის" ოზურგეთის რაიონულ ორგანიზაციაში, აღნიშნულთან დაკავშირებით ბრიფინგი ჩატარდა, როგორც პარტიაში განმარტეს, ირინე საჯაიამ ქალაქ ოზურგეთის საკრებულო დატოვა.
"ნაციონალური მოძრაობა, როგორც მთავარი ოპოზიციური ძალა ვითვალისწინებთ ჩვენს პასუხისმგებლობას ჩვენი ქალაქის და ქვეყნის წინაშე და ყოველგვარი ზედმეტი კომენტარების გარეშე გაცნობებთ, რომ ქალბატონმა ირინე საჯაიამ მიიღო ღირსეული გადაწყვეტილება დატოვოს ქალაქ ოზურგეთის საკრებულოს წევრის მანდატი და გააგრძელოს აქტიური პოლიტიკური საქმიანობა "ერთიანი ნაციონალური მოძრაობის" ოზურგეთის ორგანიზაციაში."
თუმცა, როგორც ჩანს ირინა საჯაიამ მანდატის დატოვება გადაიფიქრა.
ჩვენს სატელეფონო ზარებს კი არც საკრებულოს დეპუტატი და არც პარტიის რაიონული ორგანიზაციის თავმჯდომარე არ პასუხობენ.
