ლანჩხუთის მუნიციპალიტეტში სტიქიისა და ინფრასტრუქტურული თანხების შემოსვლის შემდეგ, ტრადიციისამებრ, სოფლის მხარდაჭერის პროგრამების თანხების ჯერი დადგა. სოფლების პრობლემების მოსაგვარებლად მთავრობამ, დახლოებით, 817 447 ლარი გამოყო.
"ამ ეტაპზე მუნიციპალიტეტის ადმინისტრაციულ ერთეულებზე მხოლოდ სავარაუდო ღირებულებაა ცნობილი. უკვე დაწყებულია და მალე დასრულდება ადგილებზე სოფლის კრებების ჩატარება, შემდეგ შედგება შესაბამისი ოქმები და გაირკვევა მოსახლეობის პრიორიტეტული პრობლემები. ამ პროცესების დასრულების შემდეგ კი, მუნიციპალიტეტის საკრებულო დაამტკიცებს სოფლის მხარდაჭერის პროგრამის გახორციელებისთვის საჭირო თანხების ზუსტ ოდენობას", _ გვითხრა მუნიციპალიტეტის ინფრასტრუქტურისა და არქიტექტურის სამსახურის უფროსმა ლევან ჩხაიძემ.
ადმინისტრაციული ერთეულებისთვის გადანაწილებული თანხები ასეთია:
შუხუთი _ 5 319 ლარი; ჩოჩხათი _ 85 021 ლარი; ნიგოითი _ 79 784 ლარი; აკეთი _ 49 234 ლარი; აცანა _ 28 561 ლარი; მამათი _ 33 059 ლარი; მაჩხვარეთი _ 29 355 ლარი; გვიმბალაური _ 40 862 ლარი; ჩიბათი _ 54 189 ლარი; ლესა _ 50 180 ლარი; ჯურუყვეთი _ 51 484 ლარი; ნინოშვილი _ 24 438 ლარი; ნიგვზიანი _ 74 090 ლარი; სუფსა _ 88 441 ლარი; ღრმაღელე _ 74 759 ლარი.
