ადვოკატთა ასოციაციის თავმჯდომარის, ზაზა ხატიაშვილის ინფორმაციით, ადვოკატ დავით კაკოიშვილზე თავდასხმა განხორციელდა.
ადვოკატთა ასოციაციის თავმჯდომარე ფაქტის დროულად გამოძიებას და დამნაშავე პირების დასჯას ითხოვს:
"გაოგნებული ვარ იმ ძალადობით, რაც მიმდინარეობს ადვოკატთა კორპუსთან მიმართებაში. აღნიშნულმა მიიღო შეუქცევადი ხასიათი, რასაც მკაცრი რეაგირების გარეშე არ დავტოვებ.
2015 წლის 16 მარტს, საღამოს ათის ნახევარზე, თავს დაესხნენ ადვოკატ დავით კაკოიშვილს თავისი საცხოვრებელი სახლის სადარბაზოსთან. მას მიაყენეს ფიზიკური შეურაცხყოფა, შემოახიეს ტანსაცმელი. ადვოკატს დაუზიანეს ტუჩი, რომელის გასაკერი გახდა. დავით კაკოიშვილი ჩვენი ახალგაზრდა კოლეგაა, იგი ადვოკატთა ასოციაციაში ორი თვეა გაწევრიანდა. ფაქტობრივად, ცდილობენ ახალგაზრდა კაცს დაუნგრიონ ცხოვრება.
ადვოკატ დავით კაკოიშვილზე განხორციელებული თავდასხმა სავარაუდოდ, მისი დაშინების მიზნით არის ჩადენილი, რაც ,სამწუხაროდ, ჩვენს ქვეყანაში ტრადიციად იქცა.
დავით კაკოიშვილი ეხმარება ადვოკატ ოთარ კახიძეს, რომელიც ყოფილი მაღალჩინოსნების ადოკატი ბრძანდება. აღნიშნულიდან გამომდინარე, ადვოკატზე განხორციელებულ თავდასხმას სავარაუდოდ პოლიტიკური ელფერი აქვს, რაც საგანგაშო ფაქტია. დავით კაკოიშვილზე განხორციელებული თავდასხმა პირველი შემთხვევა რომ იყოს ადვოკატებთან მიმართებაში, საქართველოს ადვოკატთა ასოციაციის თავმჯდომარე აღნიშნულს ხულიგნურ ქმედებას მივაწერდი, მაგრამ ადვოკატების ცემის წახალისება ხელისულფლების მხრიდან მიგვანიშნებს მმართველი გუნდის ნებაზე განხორციელდეს აგრესია იმ ადვოკატებთან მიმართებაში, რომლებიც ხელისუფლებისთვის მიუღებელ მაღალჩინოსნებს იცავენ.
ადვოკატთა ასოციაციის თავმჯდომარემ მოვითხოვე მთავარი პროკურორისგან ადვოკატების რომეო საჯაიას, ირაკლი ზაქარეიშვილის, ნონა კირთაძის, ნუგზარ სამარჯიშვილის, დიმიტრი გაბუნიას მიმართ განხორციელებული ძალადობრივი ფაქტების გამოძიება, მაგრამ პროკურატურამ არცერთი სავარაუდო დამნაშავე არ დააკავა. პროკურატურის უმოქმედობამ წაახალისა ყველა ის პირი, რომელსაც სურვილი აქვს გაუსწორდეს ადვოკატს, რაც სამარცხვინო ფაქტია.
ხელისუფლებას ვაძლევ ერთ კვირას ჩაატაროს ეფექტური გამოძიება ადვოკატ დავით კაკოიშვილს მიმართ განხირცილებული ძალადობის ფაქტთან დაკავშირებით და დასაჯოს ის პირები, ვინც მონაწილეობდენ ადვოკატის მიმართ განხორცილებულ ძალადობაში", _ წერს ხატიაშვილი საკუთარი "ფეისბუკის" გვერდზე.
