საქართველოს ჯანდაცვის სამინისტრო სტომატოლოგიური კლინიკების ჩამონათვალს აქვეყნებს, რომლებმაც ფუნქციონირება შეწყვიტეს.
სამინისტროს ინფორმაციის თანახმად, ასეთი სულ 20 კლინიკაა.
"გურია ნიუსი" კლინიკების ჩამონათვალს გთავაზობთ:
1. შპს "ნინო კორძაძის სტომატოლოგიური კლინიკა" მის: თბილისი, ხიზანიშვილის N17 2. ინდ. მეწარმე "თინათინ ბესელია" მის:თბილისი, თემქა XIმკ/რ, Iკვ. 3. შპს "რეფერალური ჰოსპიტალი 2012" მის:თბილისი, ხიზანიშვილის N 17 4. ინდ. მეწარმე "ვადიმ ავეტისიანი" მის: თბილისი, გურამიშვილის გამზ. 30, I კ. შენობა 2 5. შპს "ფემილი დენტალ ოფის" მის: თბილისი ქინქლაზის ქ. N26 6. შპს "დენტა ლუქს +" მის: თბილისი, ზაზა ვეშაპურის N5 7. შპს "თბილისი 24-ე შერეული პოლიკლინიკა – საოჯახო მედიცინის ცენტრი" მის: თბილისი, რუსთავის გზადკეცილი 28 8. ინდ. მეწარმე "ნინო მუკბანიანი" მის: თბილისი, გუმათჰესის ქუჩა, კორპ 16ა, ბ1 9. ინდ. მეწარმე "ნინო ბაკურაძე" მის: თბილისი, ქეთევან წამებულის N92 10. ინდ. მეწარმე "არკადი სააკიანი" მის: თბილისი, გუმათჰესის N9 11. შპს "ლადანი"; სამტრედიის N 2; 12. შპს "კვარა-დენტი" ; თამარ მეფის გამზ N12; 13. ინდ. მეწარმე "ზაზა ჩავხაძე" აკ. წერეთლის N67 14. შპს "მედი დენტალ" მის:ტაბიძის N44 15. სს "სტომატოლოგი" მის:აღმაშენებლის N255 16. ინდ. მეწარმე "ვალერიან მაისურაძე" მის: აკ. წერეთლის გამზ. 113 17. ინდ. მეწარმე "ეკა სარჯველაძე" მის: აკ. წერეთლის 110 18. ინდ. მეწარმე "გამიდ კარაჯაევი" მის: აღმაშენებლის გამზ. N55/1 19. ინდ. მეწარმე "სტომატოლოგიური კლინიკა ნინო კორძაძე" მის: შენგელიას N50 20. ინდ. მეწარმე "ლერი წიკლაური ღიმილი" მის: მოსკოვის გამზ N46/1.
ცნობისთვის, ჯანდაცვის სამინისტრო სტომატოლოგიური კლინიკების შემოწმებას ინფექციური კონტროლის კუთხით თბილისსა და უმეტეს რეგიონებში აწარმოებდა, რომელიც უკვე დასრულდა.
სტომატოლოგიურ დაწესებულებებში განხორციელებული მონიტორინგის შედეგების მიხედვით, 20-მა დაწესებულებამ შეწყვიტა ფუნქციონირება, თუმცა ამ ოციდან ხუთმა შეიცვალა რეკვიზიტები, იურიდიული მისამართი, გამოასწორა ხარვეზები და განაახლა საქმიანობა. მონიტორინგის პერიოდში გამოვლინდა ოთხი დაწესებულება, რომლებიც იყო დაკეტილი და ვერ მოხერხდა მათი შემოწმება.
როგორც ჯანდაცვის მინისტრისა მოადგილემ ვალერი კვარაცხელიამ განაცხადა, სტომატოლოგიურ კაბინეტებში მონიტორინგი C ჰეპატიტის ელიმინაციის პროგრამის ფარგლებში განხორციელდა.
მისივე თქმით, სტომატოლოგიური დაწესებულებების ფუნქციონირების შეწყვეტის მიზეზი ინფექციის არასათანადო კონტროლია.
კვარაცხელიას შეფასებით, მთლიანად მონიტორინგმა დადებითი შედეგი აჩვენა.
"შემოწმება საკონსულტაციო ხასიათის იყო და სპეციალური ხასიათის კითხვარით მიმდინარეობდა. ჩვენი თვითმიზანი არ იყო კლინიკების დახურვა. ჩვენი მიზანი იყო კლინიკებში ინფექციის კონტროლის ამაღლება. მონიტორინგის პრინციპის არჩევამ ძალიან კარგი როლი შეასრულა. კლინიკებში ამაღლდა კონტროლი. დღეს შეიძლება ითქვას, რომ აპარატურის, რომელიც სტერილიზაციისთვის არის განკუთვნილი, დეფიციტია, რადგან სტომატოლოგიურმა კლინიკებმა აქტიურად დაიწყეს ამაზე ყურადღების მიქცევა. რაც წარმატებას მიანიშნებს", _ აღნიშნა კვარაცხელიამ და განმარტა, რომ მონიტორინგი არის პრევენციული ზომა, რომლის გარეშეც C ჰეპატიტის ელიმინაცია წარმოუდგენელია.
მისივე ინფორმაციით, საქართველოში სულ დაახლოებით 1700 რეგისტრირებული სტომატოლოგიური კლინიკაა. შესამოწმებელი დარჩა ქართლისა და კახეთის რეგიონები, რომელთა შემოწმება ხუთ დღეში დასრულდება.
კვარაცხელიას თქმით, ასევე მოწმდება სტომატოლოგიური კლინიკები, რომლებიც არ არიან რეგისტრირებული. ასევე ამ მხრივ მუშაობა მიმდინარეობს სილამაზისა და ტატუს სალონებში, ასევე, საავადმყოფოს ეზოებში.
