საზოგადოებრივი კომუნიკაციების სპეციალისტი, გადაცემა 20/30-ის წამყვანი არჩილ გამზარდია, მოქმედი მთავრობის პირობებში ქვეყნის სასიკეთო ძვრებზე საუბრობს და აღნიშნავს, რომ მართალია ეს ხელისუფლება საუკეთესო არაა, თუმცა უკეთესობის მოლოდინში, უარესისკენ არ უნდა მივისწრაფოდეთ.
ის, რომ უკანონო პატიმრების უზარმაზარი რაოდენობა გაათავისუფლეს…
ის, რომ ხელისუფლების მოქმედებები გახდა გამჭვირვალე და პრაქტიკულად ყველა დეტალი ვიცით მათი მოქმედებების შესახებ…
ის, რომ საზოგადოების მოთხოვნების მიხედვით მინისტრები იცვლებიან ქვეყანაში…
ის, რომ შინაგან საქმეთა მინისტრი პირადად ხვდება ოპოზიციას, რომ მათი საპროტესტო აქციის ორგანიზებაში დაეხმაროს…
ის, რომ პოლიციელები ხალხს არ ხოცავენ ქუჩაში…
ის, რომ სასამართლო ხელისუფლებისგან დამოუკიდებელია…
ის, რომ ათასობით ქალი თითქმის უფასოდ მშობიარობს…
ის, რომ ცე ჰეპატიტის უმნიშვნელოვანესი პროგრამა მუშაობს…
ის, რომ ბიზნესს არავინ ატერორებს…
ის, რომ ხელისუფლება მოძალადე არ არის…
ის, რომ სახელმწიფომ არაერთ ფაკულტეტი დააფინანსა სტუდენტებისათვის…
ის, რომ უფასო სახელმძღვანელოები გაიცა მოსწავლეთათვის…
ის, რომ განსხვავებული აზრისათვის არავინ იდევნება…
ის, რომ ათასობით ადამიანს უფინანსდება ძვირი ოპერაციები, რომელსაც ადრე ვერც იოცნებებდა…
ის, რომ ყველა საზოგადოებრი შენიშვნაზე მთავრობა რეაგირებს და ითვალისწინებს…
ის, რომ ასოცირების ხელშეკრულებას მოეწერა ხელი…
ის, რომ ყველა სამინისტრო გადასულია ასოცირების ხელშეკრულებით გათვალისწინებული ვალდებულებების შესრულებაზე…
ის, რომ ექსპორტი ევროკავშირის ქვეყნებში სამჯერ გაიზარდა…
ის, რომ ათეულობით კილომეტრი გზა დაიგო…
ის, რომ თვითმართველობის კოდექსი შეიქმნა…
ის, რომ პირველად ქვეყნის ისტორიაში ვაკანსიების კონკურსებზე მეორე ტური დაინიშნა…
ის, რომ არჩევნების მეორე ტურის პრეცენდენტი შეიქმნა…
ის, რომ მედია და გამოხატვის თავისუფლება დაცულია და ხელისუფლებას არანაირი გავლენა არ გააჩნია…
და ა.შ. ამ სიისათვის არაერთი შედეგის დამატება შეიძლება… მათ შორის რთველი, ციტრუსი, პენიტენციუალურ სისტემებში პატიმართა უფლებების დაცვა, ათასობით დევნილისათვის სახლის გადაცემა. კიდევ არაერთი პროგრამა ჯანდაცვის. არაერთი კულტურული ძეგლის აღდგენა. ანტიდისკრიმინაციული კანონი და უმცირესობების უფლებების დაცვის მაჩვენებლის გაზრდა….სოფლის მეურნეობის ხელშემწყობი პროგრამები… კიდევ ბევრი…
ეს ყველაფერი და სხვა არაერთი ყოფილი ხელისუფლებისათვის – "ნაციონალური მოძრაობისათვის" ქვეყნის უკან სვლა ყოფილა… ჰოდა, თუ ექსხელისუფლებას რევანშის საშუალება მიეცემა, ამ ყველაფრის საწინააღმდეგოს დააბრუნებს და ამას დაარქმევს წინსვლას.
"ნაციონალური მოძრაობისათვის" "წინსვლა" ყველა ჩამოთვლილის საპირისპიროა. მათთვის "წინსვლა" ძალადობა, ხალხის ხოცვა, ადამიანთა დევნა, ბიზნესის ტერორი, ტერიტორიების კარგვით გაკეთებული ფული, ფარული პროცესები, მართული მედია და ა.შ. არის…
ჩვენ არ ვართ სულელები, მეგობრებო, მიუხედავად იმისა, რომ ყოველთვის სულელებად თვლიდა მოსახლეობას ყოფილი ხელისუფლება.
და არც ბრმები ვართ.
ცხადია, არ მაქვს წარმოდგენა, რომ "ქართული ოცნების" ხელისუფლება საუკეთესოა ან სასურველი, მაგრამ… ჯვარი გვწერია, უკეთესობის მოლოდინში კვლავ უარესი დაგვიბრუნდეს", _ წერს გამზარდია.
