საქართველოს ადვოკატთა ასოციაციის თავმჯდომარე ზაზა ხატიაშვილი ტელეკომპანია "იმედის" მიერ გავრცელებულ განცხადებას ეხმაურება და აღნიშნავს, რომ უპასუხისმგებლო განცხადებით ტელეკომპანიამ ჟურნალისტების პროფესიონალიზმი, სანდოობა და ავტორიტეტი ეჭვქვეშ დააყენა.
ინგა გრიგოლიას გადაცემას მთელი საქართველო ელოდება ყოველ პარასკევს იმ იმედით, რომ გაიგებს მიუკერძოებელ, სამართლიან და ობიექტურ ინფორმაციას. მე ვფიქრობ, მთავრობის რისხვა გამოიწვია ლევან იზორიას და ინგა გროგოლიას დებატებმა, სადაც ჟურნალისტი ყველანაირი ჟურნალისტური ეთიკის დაცვით ცდილობდა საზოგადოებისთვს საინტერესო საკითხებზე მიეღო პასუხები და ამის გამო ბატონი იზორია ძალიან უხერხულ სიტუაციაში აღმოჩნდა. დამრჩა შთაბეჭდილება, რომ "ზემოთ" სწორედ პოლიტიკური გადაწყვეტილებებით ხდება ზეწოლა მედიაზე", _ აღნიშნავს ხატიაშვილი და დასძენს, რომ "დამოუკიდებელი მედია არის ქვეყნის თავისუფლების ლაკმუსი".
"მივმართავ და ვაფრთხილებ ხელისუფლებას, თუ თქვენ შეეცდებით ხელი შეუშალოთ ჟურნალისტებს თავისუფლად განახორციელონ თავისი პროფესიული მოვალეობები და სამოქალაქო საზოგადოებას გადაუკეტავთ მიუკერძოებელი და თავისუფალი ინფორმაციის მიღების გზებს. ამის შესახებ გაიგებს მთელი ცივილიზებული სამყარო და მე პირადად ვიქნები ინიციატორი გადავდგა ქმედითი ნაბიჯები ამ მიმართულებით", _ აღნიშნულია ხატიაშვილის განცხადებაში.
