_ 2014 წელს ეკონომიკურ ზრდაში აშკარა წარმართველი როლი ეჭირა კერძო სექტორს. ამის შესახებ პრემიერ-მინისტრმა ირაკლი ღარიბაშვილმა რამდენიმე წუთის წინ "ჰოლიდეი ინში" მიმდინარე პრესკონფერენციაზე განაცხადა:
_ 2014 წელს პროდუქციის გამოშვება სამეწარმეო სექტორში გაიზარდა 12.8 პროცენტით, ხოლო ბიზნეს სექტორში დასაქმებულთა რაოდენობა – 11 ათასი ადამიანით.
_ სამშენებლო სექტორის აქტივობა 2014 წელს 2013 წელთან შედარებით გაზრდილია 20%-ით;
_ 2015 წლის თებერვალში წინა წლის შესაბამის პერიოდთან შედარებით გაზრდილია – 23%-ით.
_ 2014 წელს, 2012 წელთან შედარებით, ექსპორტი გაიზარდა 20,5%-ით, ევროკავშირთან -76%-ით, რუსეთთან კი – დაახლოებით 6-ჯერ (487,5%-ით).
_ „აწარმოე საქართველოში“პროგრამის ფარგლებში საქართველოს მასშტაბით შეღავათიანი სესხით და ინფრასტრუქტურით უზრუნველყოფითისარგებლა 64 მეწარმემ. მათ უკვე დაიწყეს წარმოებების შექმნა. პროექტების ჯამური მოსალოდნელი ინვესტიცია 111, 900, 000 აშშ დოლარს აღემატება.
_ მხოლოდ ამ პროგრამაში – „აწარმოე საქართველოში“ ჩართული საწარმოები 2015 წლის ბოლოსთვის დაასაქმებენ დაახლოებით 4 ათასზე მეტს ადამიანს.
დღესაც, ამ პრესკონფერეცნიის შემდეგ, მთავრობის სხდომაზე კიდევ სამი ახალი პროექტის დაფინანსებას გადავწყვეტთ „აწარმოე საქართველოშის“, ფარგლებში. ძალიან მახარებს, რომ დიდია დაინტერესება ამ პროექტით.
ტურიზმიდან შემოსულმა შემოსავალმა 2003-2011 წლებში 3,8 მილიარდი აშშ დოლარი შეადგინა, მხოლოდ 2013 და 2014 წლის 9 თვის განმავლობაში კი, 3,1 მილიარდი აშშ დოლარი; 2014 წელს 2013 წელთან შედარებით მხოლოდ თბილისში 17 ახალი სასტუმრო გაიხსნა და ტურისტულ სექტორს შეემატა 725 ახალი საწოლი ადგილი.
პირველად საქართველოს სამთო კურორტების ისტორიაში მოხდა სათხილამურო ტრასების ხელოვნური გათოვლიანება გუდაურსა და ბაკურიანში. წელს პირველად ზამთრის ტურისტული სეზონის გახსნა აღარ იყო დამოკიდებული ამინდზე. სათხილამურო სეზონი გაიზარდა 5 თვემდე.
დღეს უკვე ჩვენი კურორტები იძლევა საერთაშორისო დონის შეჯიბრებების ჩატარების შესაძლებლობას. უკვე წელს გუდაურში 40 %-ით, დიდველზე კი – 20%-ით გაიზარდა ვიზიტორთა რაოდენობა.
ბოლო 2 წელიწადში, საქართველოს პოზიციები საერთაშორისო რეიტინგებში მნიშვნელოვნად გაუმჯობესდა.
Frazer Institute-ის „მსოფლიო ეკონომიკური თავისუფლების ინდექსი“. 2014 წლის შეფასებით, საქართველოს რეიტინგი 5 ადგილით გაუმჯობესდა.
_ Heritage Foundation-ის „ეკონომიკური თავისუფლების ინდექსი“. 2015 წლის შეფასებით, საქართველოს სარეიტინგო ქულა 0.4 პუნქტით გაუმჯობესდა და საქართველო მსოფლიოს 178 ქვეყანას შორის კვლავ 22-ე პოზიციაზეა "უმეტესად თავისუფალი“ სტატუსით.
_ მსოფლიო ეკონომიკური ფორუმის "გლობალური კონკურენტუნარიანობის ინდექსი“. 2011-12 წლებთან შედარებით, საქართველომ პოზიცია 19 საფეხურით გაიუმჯობესა.
საქართველოს პოზიციები გაუმჯობესებულია რეიტინგის სამივე ფაქტორში, 7 კომპონენტში და 79 ქვე-კომპონენტში.
ეფექტიანობის გაძლიერების ფაქტორში საქართველოს პოზიცია გაუმჯობესდა 7 საფეხურით.
გაუმჯობესებული ქვეკომპონენტებიდან განსაკუთრებით მნიშვნელოვანია: საკუთრების უფლება – გაუმჯობესდა 35 პოზიციით; სასამართლოს დამოუკიდებლობა – გაუმჯობესდა 26 საფეხურით; დავების სამართლებრივი გზით მოგვარების ეფექტიანობა – გაუმჯობესდა 21 საფეხურით; მთავრობის პოლიტიკური კურსის გამჭვირვალეობა – გაუმჯობესდა 9 საფეხურით ; არაოფიციალური გადასახადები და ქრთამი – გაუმჯობესდა 5 საფეხურით და 23-ე ადგილზე გადმოინაცვლა 28-ე ადგილიდან; ინვესტორების მხარდაჭერის გაძლიერება – გაუმჯობესდა 3 საფეხურით; ინფრასტრუქტურის ხარისხი – გაუმჯობესდა 4 საფეხურით; ანტიმონოპოლიური პოლიტიკის ეფექტურობა – გაუმჯობესდა 11 საფეხურით; დანახარჯები სოფლის მეურნეობაში – გაუმჯობესდა 26 საფეხურით; ფინანსური მომსახურების არსებობა – გაუმჯობესდა 7 საფეხურით; ექსპორტის წილი მშპ-ში – გაუმჯობესდა 21 საფეხურით, _ განაცხადა პრემიერმა.
მისივე ინფორმაციით 2014 წლის შეფასებით, საქართველოს რეიტინგი 5 ადგილით გაუმჯობესდა და 175 ქვეყანას შორის მე-50 პოზიციაზეა 52 ქულით, ხოლო პირველ ადგილზეა რეგიონის (აღმოსავლეთ ევროპა და ცენტრალური აზია) 19 ქვეყანას შორის.
