"ერთიანი ნაციონალური მოძრაობის" დეპუტატი გოკა გაბაშვილი, გიგი უგულავას პატიმრობის თემას ეხმაურება და აღნიშნავს, რომ ის ყოფილი პრემიერის, ბიძინა ივანიშვილის პირადი პატიმარია.
"დღეს გავიდა 9 თვე მას შემდეგ, რაც ჩვენი პარტიის ერთ-ერთი ლიდერი და ჩვენი მეგობარი გიგი უგულავა პატიმრობაში იმყოფება. ის არის პოლიტიკური პატიმარი და არის ბიძინა ივანიშვილის პირადი პატიმარი. ამ უკანონობასაც აქვს რაღაც ზღვარი.
გავიდა 9 თვე, დღეიდან ყოველდღიურად სანამ გიგი დარჩება პატიმრობაში ის არის აბსოლუტურად უკანონო პატიმარი და მისი პატიმრობა ეწინააღმდეგება საქართველოს კონსტიტუციას. მოგეხსენებათ რომ საქართველოს კონსტიტუციით გამამტყუნებელი განაჩენის გარეშე ბრალდებული პატიმრობაში შეიძლება იყოს მხოლოდ 9 თვე.
ეს 9 თვე არის გასული და დღეიდან ყოველი დღე სანამ გიგი რჩება ციხეში ის არის ივანიშვილის პირადი ტყვე, პირადი მძევალი.
მისი ამ პატიმრობის გახანგრძლივება არის სრული უკანონობა რასაც ადასტურებენ საერთაშორისო ორგანიზაციები, მათი განცხადებები იყო ამერიკის საელჩოს განცხადება, ევროსაბჭოს წარმომადგენელების განცხადება, ევროპარლამენტის განცხადება, ჩვენი მეგობარი ქვეყნების წარმომადგენლების განცხადებები ამასთან დაკავშირებით, საქართველოს არასამთავრობო ორგანიზაციების არაერთი განცხადება იმასთან დაკავშირებით.
სამწუხაროა, რომ ხელისუფლება დაკავებულია მხოლოდ ოპონენტების დევნით და არ არის დაკავებული იმ უმძიმესი კრიზისით, რომელიც არის ეკონომიკაში, იმ ინსტიტუების ჩამოშლით, რომელიც სახეზეა და როგორც დღეს ირკვევა, ქვეყნის თავდაცვისა და უსაფრთხოების წინააღმდეგ გადადგმული ნაბიჯებით არის დაკავებული და არა ქვეყანაზე ზრუნვით.
გიგის პატიმრობა არის ნათელი ნიშანი იმისა, რომ ეს რეჟიმი მიდის ყველანაირ რეპრესიაზე იმისათვის, რომ არ იყოს თავისუფალი კონკურენცია ქართულ პოლიტიკაში და ჩვენ ვიმედოვნებთ, რომ ჩვენი აქტიურობით, არასამთავრობო ორგანიზაციების, საერთაშორისო ორგანიზაციების, ჩვენი მეგობარი ქვეყნების აქტიურობით, საბოლოო ჯამში შევძლებთ და პოლიტიკურად წერტილს დავუსვამთ ამ პოლიტიკურ პატიმრობას",_აღნიშნა გაბაშვილმა.
