სპორტული კომენტატორის პროფესია ურთულესი საქმიანობაა.
წაყვანილ რეპორტაჟს მრავალმილიონიანი აუდიტორია გააჩნია და მიმდინარე სპორტული სანახაობა მსმენელსა თუ მაყურებელს მაქსიმალური სიზუსტით უნდა მიაწოდო. სპორტული კომენტატორი ამ დარგში ჩინებულად უნდა ერკვეოდეს და უხეში შეცდომების დაშვებას მოერიდოს. გულშემატკივრები პრეტენზიულ ადამიანთა რიცხვს მიეკუთვნებიან.
ისინი ერთნაირი გულმოდგინებით არჩევენ როგორც საფეხბურთო მინდორზე მიმდინარე ბატალიებს, ასევე კომენტატორის მიერ წაყვანილ ტელე თუ რადიო რეპორტაჟს.
ქართული სპორტის თაყვანისმცემლები მაღალი კლასის სპორტული კომენტატორებით განებივრებულები იყვნენ. მარტო ეროსი მანჯგალაძისა და კოტე მახარაძის გახსენება გვეყოფა. მათი მომდევნო თაობაც ამ საქმეს ჩინებულად უძღვებოდა.
შეიძლება მავანმა და მავანმა ბატონი ნუგზარ ჯუღელი გაგვახსენოს, მაგრამ ფაქტია რომ ამ კოლორიტულ პიროვნებას პროფესიონალიზმს ვერ დაუწუნებდი.
დღევანდელ წერილში საუბარი ამჟამინდელ სპორტულ წამყვანებზე მექნება. მრავალი მათგანს პირადად ვიცნობ და ვიცი, ამ საქმიანობაში რამდენ ძალ-ღონეს ხარჯავენ. მაპატიეთ, მაგრამ კოლეგიალობის გამო მათი კრიტიკისაგან თავს შევიკავებ. ალბათ უმჯობესი იქნება ამ თემაზე მკითხველი თუ იმსჯელებს.
ნება მომეცით თავდაპირველად ბატონი ნუგზარ ჯუღლით დავიწყოთ. მისი არაერთი გამონათქვამი დღემდე პოპულარობას არ კარგავს.
"ჩელებაძემ წონაში მოიმატა, მაგრამ მაინც რა კარგად აზროვნებს!"
უფროსი თაობის წარმომადგენლის მიმართ უპატივცემულობა რომ არ დაგვაბრალონ ახალგაზრდა თაობაზე გადავიდეთ და დავით მინაშვილით დავიწყოთ.
"ძალიან საინტერესოა, რომ ის ხუთი მცველი, რომლებიც შემადგენლობაშია, ხუთივე დაცვაში თამაშობს".
"თამაშის პენალტებამდე მიყვანა და გარისკვა ესეც გარკვეული რისკია, მაგრამ ესეც ჩვეულებრივია".
"მსაჯმა დააფიქსირა თამაშის წესის დარღვევა იმ ადგილას, სადაც დაირღვა თამაშის წესი".
"პირლოს და ინძაგის ერთად თამაში არ შეიძლება. შესაბამისად, ინძაგი გამოდის მოედანზე პატუს მაგივრად".
"მიყვარს ისეთი ოპტიმისტი ახალგაზრდები, რომლებიც ამბობენ, რომ არ იციან რა მოხდება მომავალში!"
"საგრძნობლად გამოცდილი ალექს ფერგიუსონი".
"42-ე წუთი ამ თამაშშიც საკრალური შეიძლება გამოდგეს".
"ჩვენ ყველამ კარგად ვიცით კანავაროს პოტენციის შესახებ".
"ზემოთ, ცოტა მარცხნივ, პირველი არხის ლოგოსთან ზის ფაბიო კაპელო".
"რევიშვილმა ბურთი არა მარტო მოიგერია, ხელში დაიჭირა კიდეც!"
"ანგარიში ოდნავ გათანაბრდა".
"ალმეიდა ვეღარ გაეკიდა ბურთს, ვეტერანი ფეხბურთელია".
უი, 28 წლის ყოფილა, ტყუილად დამიბერებია. სირბილის მანერიდან გამომდინარე ვეტერანს ჰგავდა".
ალბათ დადგა დრო რომ დიმიტრი ობოლაძეც გავიხსენოთ.
"რაც მეტი დრო გადის მით ნაკლები დრო რჩება მატჩის დასრულებამდე".
"თუ დაუკვირდებით, თანამედროვე ფეხბურთში გოლის გარეშე თამაშს ვერ მოიგებ".
"ინტერი" მიჩვეულია ისეთ დიდ გუნდებთან თამაშს, როგორიცაა "ბოლონია" და "ატალანტა".
"ტრეზეგეს თავზე ორთქლი ასდის. არა, ბოლი… უკაცრავად – ოხშივარი".
"გრონკიაერმა ისე შეაშინა "რომა", რომ ერთხელ გოლიც კი გაუტანა".
"მთელი ღამის განმავლობაში არავინ დაუკავებიათ მთელს გერმანიაში, თუმცა დორტმუნდში სამასამდე პოლონელი დააპატიმრეს".
"ფარერელების დიალექტი ჩამოყალიბდა დიდი ხნის წინ განმავლობაში".
"დიდა ბურთს მშვიდად დაეუფლა. ზედმეტად მშვიდადაც კი".
"ერთადერთი, რაც შემიძლია ვთქვა, რომ არის მე-4 წუთი".
"მოედანზე კარაგერის ნაცვლად შემოდის ედი მერფი. უკაცრავად, დენი მერფი".
"დესაიმ იმდენი ირბინა დღევანდელ მატჩში, რომ თავზე კვამლი ასდის".
"ჯერარდის ძლიერი დარტყმა. ეს მისი პირველი დარტყმა იყო. ეხლა შევამოწმებ: არა, ეს მისი მეოთხე დარტყმა ყოფილა".
"ნუ, ეხლა "ლივერპული" ბურთს აგორავებს და ამაზეა ნათქვამი ძალა აღმართს ხნავსო".
დასასრულს კი სიტყვას სანდრო ცნობილაძეს გადავცემთ.
"ლივერპულელთა სამწუხაროდ კუიტი ცალფეხათა კატეგორიას განეკუთვნება".
"ლამი და კოული ერთნაირი კომპლექტაციის და კონფიგურაციის ფეხბურთელები არიან".
"გერმანელი ფეხბურთელები თამაშის წესების დარღვევას სიგნალიზირებენ".
"ადებაიორმა ბურთის მიმართ აგდებული დამოკიდებულება გამოამჟღავნა".
"მანჩესტერმა" სრულიად "ბოლტონი" აღგავა პირისაგან მიწისა!"
"მსოფლიო ჩემპიონატი იყიდა "მაგთიმ". უკაცრავად, მსოფლიო ჩემპიონატის თამაშები იყიდა "მაგთიმ".
"ჯოვანი დოს სანტოსი უნიჭიერესი ფეხბურთელია, მაგრამ არის ცალფეხა".
"გაუგებარია, ისეთი დონის გუნდს, როგორიც "რეალია", რატომ ყავს დაცვის ცენტრში ორი ისეთი ფეხბურთელი, როგორებიცაა ივან კამპო და ფერნანდო სანსი. გასაგებია, რომ ეს უკანასკნელი კლუბის პრეზიდენტის შვილია, მაგრამ, ივან კამპო ხომ არავის შვილი არაა?"
"მოდი შევთანხმდეთ, რომ "ასტონ ვილა" არის გუნდი".
