(გურია ნიუსი, ოზურგეთი) _ 3-5 დეკემბერს, ქუთაისში, ჩატარდა მსოფლიო ორგზის ჩემპიონის თემურ აფხაზავას სახელობის საერთაშორისო ტურნირი ბერძნულ-რომაულ ჭიდაობაში. მასში მონაწილეობას 1977-1978 წლებში დაბადებულ ჭაბუკებთან ერთად პატარა ასაკის მოჭიდავეებიც იღებდნენ.
ტურნირში საქართველოს სხვადასხვა კუთხიდან 12 გუნდი მონაწილეობდა. ასევე ასპარეზობისთვის ერევნიდან ერთი გუნდი ჩამოვიდა _ სულ 220 სპორტსმენი იბრძოდა გამარჯვებისთვის.
ტურნირში ოზურგეთის სპორტული სკოლის სპორტსმენები მონაწილეობდნენ.
საპრიზო ადგილის მფლობელები გახდნენ: პირველი ადგილი: გიორგი თოხაძე _ 21 კგ. წონით კატეგორია; გიორგი ჩხაიძე _ 32 კგ. წონით კატეგორია; მეორე ადგილი _ ვანო თოხაძე _ 26 კგ. წონითი კატეგორია; კახა კალანდაძე _ 53 კგ. წონითი კატეგორია; მესამე ადგილი; გიორგი ბაკურაძე _ 47 კგ. წონითი კატეგორია; გიორგი გუჯაბიძე _ 53 კგ. წონით კატეგორია.
ყველაზე ტექნიკურად მოჭიდავის პრიზი გიორგი თოხაძეს გადაეცა.
ოზურგეთის სპორტული სკოლის გუნდმა (მწვრთნელები დავით მელუა, ირაკლი ზურაბიანი, ზურაბ ზურაბიანი და ანზორ ლომაძე), საბოლოო შედეგის მიხედვით, არაოფიციალურ ჩათვლაში, 13 გუნდს შორის პირველი ადგილი დაიკავა. ტურნირის დასასრულს საპრიზო ადგილზე გასულ სპორტსმენებს გადაეცათ სიგელები, მედლები და ფასიანი საჩუქრები.
გუნდის გამგზავრება ფინანსურად უზრუნველყო ოზურგეთის მუნიციპალიტეტის სოფელ შემოქმედის მაჟორიტარმა დეპუტატმა თემურ ჯახვამ, რწმუნებულმა ბესო ლომინაძემ და ოზურგეთის დაცვის პოლიციის უფროსმა გოჩა გაბედავამ.
