ყოფილმა პრემიერ მინისტრის ბიძინა ივანიშვილმა გადაცემა "კვირის 20/30"-ში არასამთავრობო ორგანიზაციების შესახებ ვრცლად ისაუბრა. ივანიშვილს არც კახა კოჟორიძე, ნინო ლომარია და ეკა გიგაურია დარჩენია გაუკრიტიკებელი:
_ ეს ხალხი, ვინც სახე დაკარგა პოლიტიკაში და არასამთავრობო სექტორში ცდილობს განწმენდას, ნაკლებ სახიფათოა. როდესაც სახელდებიან ონიანი, ფირცხალავა, უტიაშვილი ან ახალაიას მეუღლე, რომელიც ძალიან აქტიურობს, ეს ნაკლებ სახიფათოა ამ სფეროსთვისაც და საზოგადოებისთვისაც. ისინი ობიექტურობაზეც კი ვერ შეგეკამათებიან, იმიტომ, რომ ისინი პროპაგანდას ეწევიან "ნაციონალური მოძრაობის".
მე მინდა გავაგრძელო და ძალიან წარმატებული არასამთავრობო ორგანიზაციები დავასახელო, საია გინდათ ეს, თუ გამჭვირვალობა და აშ. სახიფათოა არა ონიანი, ფირცხალავა და უტიაშვილი, რომლებიც ძალიან კარგად იცის საზოგადოებამ ვინ არიან. სახიფათოა, წარმატებული ორგანიზაციები და მათი მეთაურები – გიგაური, კოჟორიძე. მათზე პრეტენზიები არა იმიტომ დამჭირდა, რომ მე გიგაური ან კოჟორიძე მაინტერესებს, არამედ საინტერესოა მათი ორგანიზაციები. ამიტომ მათ ობიექტურობაზე არ უნდა გაჩნდეს ეჭვი.
გავიხსენოთ წამების ცნობილი კადრები, ადამიანის პირად ცხოვრებაზე გადაღებული, რაზეც ჟურნალისტები დაპატიჟეს. სწორედ ამ პირებმა – გიგაურმა, კოჟორიძემ და ლომჯარიამ, რომელზეც მე ნაკლებ აქცენტს ვაკეთებ, რადგან მისთვის უფრო მეტი კორექტულობა შემიმჩნევია, როდესაც ეს კადრები შესთავაზეს, მათ მოითხოვეს არ ეყურებინათ ამ კადრებისათვის, რათა არ მომხდარიყო, თითქოს სახეებით ამოცნობა. ვინც ნახა, არაფრის ამოცნობა არ ხდებოდა.
როდესაც შენიშვნა მივეცი, რომ ეჭვი მაქვს "ნაციონალებთან" მათ თანხვედრაში, სამივე მიმანიშნებდა, რომ მე მსურდა მათ პირად ცხოვრებაში ჩარევა. ამის საფუძველი არ ჰქონდათ, _ განაცხადა ბიძინა ივანიშვილმა.
