54 წლის ბრიტანელმა პოლ მეისონმა საყვარელი ქალბატონის გამო თითქმის 300 კილოგრამი დაიკლო. ამ ინფორმაციას ტაბლოიდი "Mirror"-ი ავრცელებს.
ბრიტანული გამოცემის ინფორმაციით მეისონი ჯერ კიდევ 2013 წელს 445 კილოგრამს იწონიდა და რებეკა მაუნტინის გაცნობის შემდეგ ექიმების დახმარების გარეშე მან ზუსტად 295 კილოგრამი დაიკლო.
2013 წელს ბოსტონელმა რებეკა მაუნტინმა დოკუმენტური ფილმი იხილა ბრიტანეთის ყველა მძიმე წონოსანი ადამიანის შესახებ და მას სოციალურ ქსელში მიწერა. ამერიკელის თქმით, მას აინტერესებდა ხომ არ სჭირდებოდა 445 კილოგრამიან მამაკაცს დახმარება. შედეგად მათ საუბარი „სკაიპის“ საშუალებით გააგრძელეს, რომელიც მათთვის მოულოდნელად 4,5 საათი გაგრძელდა.
"რებეკას გაცნობამდე მთელი დღეები ვიწექი საწოლში და მხოლოდ საჭმელზე ვფიქრობდი. საჭმელი ჩემთვის თავისებურ ესკაპიზმს წარმოადგენდა. საყვარელი პროდუქტების გადაყლაპვისას მეყსეულად ვხდებოდი სამყაროში, რომელშიც თავს კომფორტულად ვგრძნობდი“ – განაცხადა ყოფილმა ფოსტალიონმა.
თუმცა რებეკას გაცნობის შემდეგ ყველაფერი შეიცვალა და როგორც მეისონი ამბობს, ამის შემდეგ „ცხოვრების სუნთქვა შეიგრძნო“. გიგანტმა გადაწყვიტა რაც არ უნდა მომხდარიყო წონაში დაეკლო და მკაცრი დიეტის დაცვა დაიწყო. შ
ედეგად პოლ მეისონმა ექიმების დახმარების გარეშე თითქმის 300 კილოგრამი დაიკლო. ამის შემდეგ უკანასკნელი სტადია 
რჩებოდა: მას წონის გაუგონარი დაკლების შემდეგ წარმოქმნილი ზედმეტი კანის მოცილება სჭირდებოდა, რომელიც 21 კილოგრამს შეადგენდა.
2015 წლის აპრილის დასაწყისში მეისონმა ნიუ-იორკის კლინიკა "Lenox Hill"-ში ოპერაცია გაიკეთა, სადაც მას ზედმეტი კანი მოაჭრეს. საკმაოდ რთული ოპერაცია ცხრა საათის განმავლობაში გრძელდებოდა და წარმატებით დასრულდა.
ამჟამად პოლ მეისონი ოპერაციის შემდგომი რეაბილიტაციის კურსს გადის და საყვარელ ქალბატონთან დაქორწინებისთვის ემზადება, რომლის წონაც ცნობისთვის მხოლოდ 50 კილოგრამს შეადგენს.
