საქართველოს ფინანსთა მინისტრის ნოდარ ხადურის განცხადებით, "ნაციონალური მოძრაობის" წევრები "შოკუნიები" არიან.
"შოკუნიები თქვენ ხართ, გინდათ, რომ შოკი იყოთ, მაგრამ არ გამოგდით ეგ ამბავი და არც გამოგივათ", _ განაცხადა ხადურმა.
მინისტრის არგუმენტებისა და რეპლიკის საპასუხოდ, ოპოზიციონერმა დეპუტატმა ზურაბ ჯაფარიძემ ხადურს მოუწოდა კონსტიტუცია წაიკითხოს.
ჯაფარიძემ ხადურს ჰკითხა ვინ ახორციელებს მონეტარულ პოლიტიკას; ასევე მოსთხოვა მინისტრს დაეკონკრეტებინა კანონის თანახმად განსაზღვრული ეროვნული ბანკის ამოცანები.
"ფინანსთა მინისტრი ხართ და მითხარით რა წერია კანონში!" _ აღნიშნა ჯაფარიძემ, რაზეც ხადურისგან პასუხად მიიღო, რომ ეროვნული ბანკის მოვალეობაა საქართველოში მონეტარული პოლიტიკის ფორმირება და განხორციელება და მათ შორის იგულისხმება გაცვლითი კურსიც.
"ასეთი რამე იქ ნახსენები არ არის. წაიკითხეთ კანონი. გაცვლითი კურსი ნახსენები არ არის", _განაცხადა ზურაბ ჯაფარიძემ.
