“ბახმარო” სახლში დაუმარცხებელია

 11 მაისს, ჩოხატაურის ცენტრალურ სტადიონზე, "ბახმარომ"  თერჯოლის "საპოვნელას" უმასპინძლა. მატჩი, როგორც მოსალოდნელი იყო, დაძაბული და სანახაობრივი გამოდგა. "ბორის პაიჭაძეზე" შეკრებილ გულშემატკივარს ცოტა ნერვიულობაც მოუწია, თუმცა, ყველაფერი მასპინძელთათვის კარგად დასრულდა და "ბახმარომ" 3:2 დაამარცხა მეტოქე. "ბახმაროელთა" მხრიდან პირველი გოლი ბობომ გაიტანა და ანგარიში 1:1 გახადა, ხვიჩა დიდიამ მეორე ტაიმში ეფექტური დარტყმით კვლავ გაათანაბრა 2:2, ხოლო გამარჯვების გოლი ისევ კოტდივუარელი ლეგიონერის ანგარიშზეა, რომელიც მისთვის ოცდამეოთხეა ამ სეზონში. მეორე წრეში  "ბახმარომ" 10 თამაში ჩაატარა, აქედან 7 მოიგო და, საერთო ჯამში, 41 ქულას მოუყარა თავი.