ექსპერტი ლევან ალაფიშვილი სოციალურ ქსელში ბიუჯეტის კორექტირებასთან დაკავშირებით თავის მოსაზრებას აქვეყნებს, რომელსაც “გურია ნიუსი“ უცვლელად გთავაზობთ.
“მეგობრებო, ექსპერტებო და საბიუჯეტო საკითხებით დაინტერესებულნო წლევანდელი ბიუჯეტის კორექტირების საჭიროებასა და დროზე მსჯელობისას კარგი იქნება თუკი სრულად ავხსნით გადაწყვეტილების ივნისის ბილომდე გადადება რას ნიშნავს:
– ეს ნიშნავს რომ 5%-იანი ზრდის გათვლებით შედგენილი ბიუჯეტის ორჯერ შემცირება, 2%-იან გათვლებზე დაყვანა ნიშნავს დღეს არსებული საბიუჯეტო მონაცემების (მათ შორის ხარჯების) მინიმუმ განახევრებას;
– ეს ნიშნავს რომ საბიუჯეტო პარამეტრების განახევრების თაობაზე გადაწყვეტილების მიღების დროისთვის (სავარაუდოდ) ივლისი-აგვისტო ის რაც უნდა შემცირებულიყო, სავარაუდოდ ბიუჯეტის ნახევარი უკვე დახარჯული იქნება;
-ეს ნიშნავს, რომ იმ დრომდე ხელფას-პრემია-დანამატები წარმატებით იქნება ათვისებული საჯარო სექტორში ნახევრად შემოჭერილი ქამარი გამოუვა შეღავათად ჩვენს მთავრობას;
-ეს ნიშნავს, რომ მთავრობა გარდა იმისა, რომ ე.წ. გადაგორების პრინციპით მოქმედებს, გასული 2 წლის "გამოცდილებას" ვერ ან არ აანალიზებს და ითვალისწინებს: 2013 წლის მე-3 კვარტალში (ივლისი-სექტემბერი) და 2014 წლის მე-3 კვარტალში (ივლისი-აგვისტო) ჰქონდა მნიშვნელოვანი ჩავარდნები. საილუსტრაციოდ საგადასახდელო ბალანსი, მიმდინარე ანგარიშის ბალანსი გამოდგება: 2013 ჩავარდნამ მე-2 კვარტალთან შედარებით 132.8 მილიონი, ხოლო 2014 წლისამ – 146.7 მილიონი შეადგინა – რის იმედად უნდა გადადოს სწორედ ამ კრიტიკული პერიოდებისთვის ბიუჯეტის კორექტირება ამოუხსნელია.
