საქართველოს ადვოკატთა ასოციაციის თავმჯდომარე ზაზა ხატიაშვილი ადვოკატთა ასოციაციის აღმასრულებელი საბჭოს წევრის, პროფესორ როინ მიგრიაულთან დაკავშირებით განცხადებას ავრცელებს, სადაც აღნიშნულია, რომ ადვოკატზე ზეწოლა ხორციელდება.
"გურია ნიუსი" ზაზა ხატიაშვილის განცხადებას უცვლელად გთავაზობთ:
"ადვოკატთა ასოციაციის თავმჯდომარე ბოლო 6 წლის განმავლობაში ადვოკატებთან მიმართებაში მოვესწარი მრავალი უკანონობის ტალღას, მაგრამ რაც დღეს მოხდა ეს არის საშინელი ფაქტი. საქართველოს ფინანსურმა პოლიციამ მოწის სახით დაკითხვაზე დაიბარა ადვოკატთა ასოციაციის აღმასრულებელი საბჭოს წევრი, იურიდულ მეცნიერებათა დოქტორი, სრული პროფესორი როინ მიგრიაული. რაც უკვე საგანგაშო ფაქტია.
ბატონ როინ მიგრიაულს მოწმის სახით დაკითხვის თაობაზე ფინასური პოლიციიდან აცნობეს 14:00 საათზე უწყების სახით, სადაც მითითებულია, რომ ადვოკატი როინ მიგრიაული მოწმის სახით უნდა გამოცხადდეს ფინანსური პოლიციაში 17:00 საათზე გამომძიებელ თეა ვარდიშვლითან.
სამართალდამცავი ორგანოებში ადვოკატების მიმართ დაწყებული ძალადობრივი მოქმედებების გამო, გაოგნებული და აღშფთებული ვარ. დღევადნელი ხელისუფლება გასცდა იმ ზღავრს რისი მოთმენაც უკვე აღარ შეიძლება. გამომძიებელმა თეა ვარდიშვილმა ადვოკატი როინ მიგრიაული დაიბარა მოწმის სახით დასაკითხად იმ გარემოებებთან დაკავშირებით, რომელიც ადვოკატისთვის საადვოკატო მომსახურების განხორციელების პროცესში გახდა ცნობილი. ადვოკატმა განუმარტა გამომძიებელს, რომ საქართველოს სისხლის სამართლის საპროცესო კოდექსის 50–ე მუხლის 1 ნაწილის შესაბამისად, ადვოკატს არ ეკისრება მოწმის ვალდებულება იმ გარემოებებთან დაკავშირებით, რომელიც ადვოკატისთვის ცნობილი გახდა საადვოკატო საქმიანობის განხორციელების პროცესში. მიუხედავად აღნიშნული ფაქტისა, დღეს, 2015 წლის 22 მაისს 17:00 საათზე, ადვოკატი როინ მიგრიაული დაიბარეს ფინანსურ პოლიციაში მოწმის სახით ჩვენების მისაცემად.
ადვოკატი როინ მიგრაიული არის საქართველოს ადვოკატთა ასოციაციის მმამართველი ორგანოს, აღმსრულებელი საბჭოს წევრი, ცნობილი მეცნიერი. იურიდიულ მეცნიერებათა დოქრტორი, პროფესორი, რომელიც ადვოკატთა კორპუსში და საზოგადოებაში სარგებლობს გამორჩეული ავტორიტეტით.
ადვოკატთა ასოციაციის თავმჯდომარე, ადვოკატ როინ მიგირაულის მიმართ განხორციელებულ ქმედებას ფინასური პოლიციის მხრიდან ვაფასებ ადვოკატის დევნად და მივმართავ (მთავარი პროკურორის უმოქმედობის გამო) საქართველოს პარლამენტის თავმჯდომარეს, სასწრაფოდ მოახდინოს რეაგირება ადვოკატების მოწმედ დაბარების ფაქტებთან დაკავშირებით იმ საქმეებზე, რა დროსაც ადვოკატები ახორცილებდნენ პროფესიულ საქმიანობას. სამართლადამცავი ორგანოები თავიანთი უკანონო ქმედებებით აიძულებენ ადვოკატებს კლიენტების საწინააღმდეგო ჩვნების მიცემას, რომ გაანადგურონ ადვოკატის ინსტიტუტი სამოქლაქო საზოგადოების თვალში.
მინდა განვაცხადო იმ არაკვალიფიციური პროკურორების და სამართალდამცავების გასაგონად, რომლებიც არ იცნობენ საერთაშორისო სტანდარტებს, რომ დემოკრატიული ქვეყნები ადვოკატებთან მიმართებაში ხელმძღვანელობენ გაეროს ძირითადი პრინციპებით ადვოკატის როლის შესახებ( ჰავანა კუბა 1990 წელი).
,,გაეროს ძირითადი პრინციპები ადვოკატის როლის შესახებ“ 16 მუხლის თანახმად სახელმწიფოს ეკისრება პოზოტიური ვალდებულება უზრუნველყოს, ადვოკატების მიერ თავიანთი პროფესიული ფუნქციების შესრულება დაშინების, დაბრკოლების, ღირსების შელახვის და არასათანადო ჩარევის გარეშე.
ადვოკატთა ასოციაციის თავმჯდომარე მივიჩნევ, რომ ადვოკატ როინ მიგრიაულის დაბარება მოწმის სახით დასაკითხად, იმ საქმეზე რა საქმეზეც ადვოკატი ახორციელებდა საადვოკატო უფლებამოსილებას, ფინასური პოლიციის მხირდან, წარმოადგენს ადვოკატის საქმიანობის პროცესში არასათანადო ჩარევას", _ აღნიშნულია ხატიაშვილის განცხადებაში.
