საერთაშორისო საქველმოქმედო ფონდ "სიკეთის კვალის" ორგანიზებით, 1 ივნისს, ქართველი მომღერლები საქველმოქმედო კონცერტს გამართავენ.
კონცერტი საღამოს 20:00 საათზე, კლუბ "ვიპ თაიმში" გაიმართება. საქველმოქმედო საღამოზე ელენე ფოჩხუა, სალომე ტეტიაშვილი, ჯგუფი "გამოუვალ მდგომარეობა" და სხვა ქართველი შემსრულებლები იმღერებენ.
"უფლის წყალობით და ხალხის გვერდში დგომით, უკვე შევძელით დავხმარებოდით მრავალშვილიან და მარტოხელა დედებს, სოციალურად დაუცველ და მძიმე მდგომარეობაში მყოფ ოჯახებს, ასევე გოგონას რომელიც იაშვილის კლინიკაში მკურნალობს და ებრძვის სიკვდილს, რომ გაიმარჯვოს და დაამარცხოს დაავადება. ჩვენი პირველი ბენეფიციარი იყო თემურ არაბიძე – პროექტ "ნიჭიერის" გამარჯვებული. თუმცა თემო დღეს არა ჩვენი ბენეფიციარი, არამედ ორგანიზაციის სახეა, მისი ორგანიზებით ბავშვთა საერთაშორისო დღეს საქველმოქმედო კონცერტი იმართება. საქველმოქმედო კონცერტზე შემოსული თანხებით დავეხმარებით თერჯოლაში არსებულ "დღის ცენტრს". იქ ბავშვები ძალიან მძიმე პირობებში ცხოვრობენ. ცენტრში დაუნის სინდრომის მქონე და ცერებრალური დამბლით დაავადებული ბავშვები ყავთ . სწორედ ამიტომ ბავშვთა საერთაშორისო დღეს, 1 ივნისს კლუბ "ვიპ თაიმში" გაიმართება საქველმოქმედო კონცერტი და გაყიდული ბილეთებიდან შემოსული თანხებით დავეხმარებით ამ ბავშვებს. ასევე, გვყავს ორი სოციალურად დაუცველი, უკიდურესად გაჭირვებული ოჯახი და პატარა მარიამი, რომელსაც ძვლის ტვინის სიმსივნე აქვს და ჩვენი გვერდით დგომა ძალიან სჭირდება. ჩვენთან მოსულ ყველა სტუმარს საინტერესო საღამოს გატარებას ვპირდებით, გვინდა ქველმოქმედება სასიამოვნო ჩვევად ვაქციოთ და ადამიანებს გაწეული სიკეთის სანაცვლოდ დაუვიწყარი და ლამაზი წუთები ვაჩუქოთ. მინდა ასევე უდიდესი მადლობა გადავუხადო ორგანიზაციებს, რომლებიც ჩვენს გვერდით არიან და თუნდაც მცირედით გვეხმარებიან. თერჯოლის დღის ცენტრისთვის ტექნიკის მაღაზია "ელექტრონიკამ" გადმოგვცა მაცივარი, რომელიც ძალიან სჭირდებათ ბავშვებს. კომპანია "ქარვამ" ზეთი გვაჩუქა, აქვე მინდა აღვნიშნო კომპანია "ზედაზენი", რომელიც ბავშვებისთვის საკუთარ პროდუქციას გაგვატანს", – აცხადებს საქველმოქმედო ორგანიზაციის დამფუძნებელი თეა ესიტაშვილი.
დახმარების მსურველების საყურადღებოდ: შეგიძლიათ დარეკოთ ჯეოსელიდან, მაგთიდან და ბილაინიდან ნომერზე : 0901700177 (1 ლარი)
საბანკო რეკვიზიტები: ლიბერთი ბანკი : LBRTGE22 — GE06LB0115110522369000 GEL; თიბისი ბანკი : TBCBGE22 — GE34თB7319436080100002 GEL
https://www.facebook.com/siketis.kvali
დამატებითი ინფორმაციისთვის დაგვიკავშირდით : ტელ : 558538012.
