ლიამ გალაჰერმა ფრედი მერკური უკან ჩამოიტოვა

ორი დღის წინ, ბრიტანულმა მუსიკალურმა რადიოსადგურმა "Xfm"-მა ერთგვარი გამოკითხვის შედეგები გამოაქვეყნა. ამ რადიოს მსმენელებს ყველა დროის საუკეთესო ჯგუფების ლიდერები უნდა დაესახელებინათ.

ამ რეიტინგის სათავეში ჯგუფი "Oasis"-ის ყოფილი ვოკალისტი, ამჟამად "Beady Eye"-ს წევრი ლიამ გალაჰერი გავიდა.

ბრიტანელმა მელომანებმა გალაჰერი "Queen"-ის ლიდერ ფრედი მერკურიზე და "Depeche Mode"-ს ერთ-ერთ დამაარსებელ დეივ გაანზე მაღლა დაყენეს.

საინტერესოა რომ 2013 წელს გამოცემა "Q"-ს მკითხველებმა ლიამ გალაჰერი ასევე საუკეთესოდ ცნეს.

ყველა დროის საუკეთესო ფრონტმენების პირველი ათეული შემდეგნაირად გამოიყურება.

1. ლიამ გალაჰერი (Oasis, Beady Eye)

2. ფრედი მერკური (Queen)

3. დეივ გაანი (Depeche Mode)

4. დეივ გროლი (Foo Fighters)

5. მეტ ბელამი(Muse)

6. ბრენდონ ფლაუერსი (The Killers)

7. მორისი (The Smiths)

8. ჯიმ მორისონი(The Doors)

9. კურტ კობეინი (Nirvana)

10. ალექს ტერნერი (Arctic Monkeys)