დღეს, გამთენიას, სან მარინოში გაემგზავრა საქართველოს 21-წლამდე ნაკრები გუნდი. ევროპის ჩემპიონატის საკვალიფიკაციო ეტაპს ალექსანდრე ჩივაძის გუნდი სან მარინოს ნაკრებთან მატჩით დაიწყებს.
ამ მატჩისთვის, მთავარმა მწვრთნელმა თან შემდეგი შემადგენლობა იახლა:
მეკარეები: ბექა ქურდაძე („საბურთალო“), ბაჩო მიქავა („ლოკომოტივი“, თბილისი)
მცველები: დათო უბილავა, ნიკა სანდოხაძე (ორივე „ლოკომოტივი“, თბილისი), ავთო ენდელაძე („ზუგდიდი“), ლაშა დვალი („ქასიმფაშა“, თურქეთი), ოთარ კაკაბაძე („დინამო“ თბილისი), დაჩი ცნობილაძე („სიონი“, ბოლნისი), გიორგი გადრანი („ჩერნომორეცი“, უკრაინა)
ნახევარმცველები: ლუკა კიკაბიძე („ბასტია“, საფრანგეთი), გიორგი აბურჯანია („ანორთოსისი“, კვიპროსი), გიორგი ერისთავი („დილა“, გორი), ლევან შენგელია („კოლხეთი“, ფოთი), მათე ცინცაძე, საბა ლობჟანიძე, გიორგი პაპუნაშვილი (ყველა „დინამო“ თბილისი)
თავდამსხმელები: ნიკა კაჭარავა, ბაჩანა არაბული (ორივე „ცხინვალი“), დათო დარციმელია („სპარტაკუსი“, უნგრეთი), მამია გავაშელიშვილი („ლოკომოტივი“, თბილისი)
ევროშესარჩევის პირველი მატჩი სან მარინოსა და საქართველოს 21-წლამდე ნაკრებებს შორის, 3 ივნისს გაიმართება.
