"ოდესის და ოდესის ოლქის განვითარება არა მარტო რეგიონში შეცვლის პოლიტიკურ გარემოს, არამედ რუსეთში"“, _ მიაჩნია ოდესის გუბერნატორს მიხეილ სააკაშვილს.
"ოდესა ბევრი რუსის, მათ შორის, იმპერიულად განწყობილების, მენტალიტეტში ზის, როგორც მათი ისტორიული მემკვიდრეობის, რუსული სულის, „რუსული სამყაროს“ ნაწილი. ეს რუსები რეაგირებენ ყველაფერზე, რაც ოდესაში ხდება. მაგრამ თუ ისინი დაინახავენ ოდესელების წარმატებას, რომ რეგიონი დაიწყებს განვითარებას, ეს დიდ ზეგავლენას მოახდენს თვით რუსეთზე. და რუსებს სწორედ ამის ეშინიათ," _ თქვა სააკაშვილმა "მე-5 არხის" ეთერში.
"რუსები ამაყობენ ოდესით, როგორც საკუთარი წარსულის ნაწილით, მაგრამ თუ აქ იქნება ახალი აწმყო ლურჯ-ყვითელი დროშით, სულ სხვა რეალობას ვიხილავთ. რუსეთს არ სურს ამის დაშვება. ამ კუთხით პრეზიდენტ პოროშენკოს გადაწყვეტილება იყო სტრატეგიული და არა მხოლოდ სამეურნეო _ ჩვენ ყველას უნდა ვაჩვენოთ სწორედ ასეთი ოდესა, რომელიც არ წარმოადგენს „მეწველ ძროხას“, როგორც მას აღიქვამდნენ აქამდე. ოდესას შეუძლია გახდეს უკრაინის ახალი სახელმწიფოებრიობის მყარი საფუძველი, მომავალი განვითარების მძლავრი სტიმული", _ თქვა სააკაშვილმა.
