ქალაქ ოზურგეთში თითქმის ყველა ცენტრალურ ქუჩაზე, ბოლო პერიოდში სერიოზულ პრობლემად იქცა გადათხრილი, ასფალტ და ბორდიურაყრილი ქუჩები.
ეს ფოტოები, ქალაქ ოზურგეთში ცენტრალურ ქუჩებშია გადაღებული.
დაზიანებული გზები, მტვერი, ორმოები, თავღია ჭები, რომელთაგან რამდენიმეს სიმაღლე 5-6 მეტრს აღწევს, დიდ საფრთხეს უქმნის მანქანებსა და ფეხით მოსიარულეებს.
თუ როდის იგეგმება საგზაო ინფრასტრუქტურის მოწყობა, ამასთან დაკავშირებით ქალაქ ოზურგეთის მუნიციპალიტეტის საკრებულოს თავმჯდომარე გელა კობალაძე "გურია ნიუსთან" აცხადებს, რომ ქალაქ ოზურგეთის მერიას გზების რეაბილიტაციასთან დაკავშირებით პროექტი უკვე შედგენილი აქვს, რომლის შესრულებაზეც, მისივე თქმით, უახლოესს პერიოდში გამოცხადდება ტენდერი.
"ამავდროულად, წყლის რეაბილიტაციის გამო დაზიანებული ქუჩების მოასფალტება, მაშინვე დაიწყება, როცა გამოცვლილ მილებში წყალს შეუშვებენ," _ ამბობს საკრებულოს თავმჯდომარე.
