არქიტექტორ გიგა ბათიაშვილის თქმით ვერეს ხეობაში დღეს არსებული სიტუაცია "ვიღაცის ხუშტურის შედეგი":
_ ძალიან მრცხვენია ამისი თქმა, მაგრამ მთელი წლების განმავლობაში ყველაფერი ხუშტურებით იმართებოდა. არა პროფესიული აზრით, არა პროფესიული აზრის შედეგად გამოტანილი გადაწყვეტილებებით, არამედ ეგრე უნდოდა და მორჩა!
ეგრე შენდება რკინიგზა, ესე დაიწყო მშენებლობა ესტაკადებისა სანაპიროზე და მოკლეს ცალმხრივი მოძრაობის შექმნის საშუალება, ასევე განხორციელდა მდინარე ვერეს ხეობაში ის, რაც განხორციელდა.
არა მგონია, რომ ამ პროექტს ყოლოდა პროექტის ავტორი, არქიტექტორი!… რომ ყოლოდა, ტრასის კოორდინატებს სხვანაირად დაგეგმავდა.
მთელი პრობლემა ამაშია _ ის კი არა, საიდან სადამდე გაიჭრებოდა ტრასა, არამედ ის, როგორ უნდა გაევლო ამ გზას.
და თუ პროექტის ავტორი (არქიტექტორი) ყავს ამ ტრასას, ხმა ამოიღოს!
კარგი არქიტექტორი მდინარე ვერეს ხეობაში, სადაც მარჯვენა მხარე არის ეროზიული, მარცხენა მხარეს კი არის კლდე, რომელიც ფშვნადი კლდეა, არ დაუშვებდა არც კლდის გაჭრას, არც მეორე მხარის მოჭრას და და ელემენტარულად ააშენებდა გზას, მეტი მოხვევებით, ესტაკადის ტიპისას ანუ ოჩოფეხზე შემდგარს და წყლის დონის 5 მეტრიანი სიმაღლეც ვერაფერს უზამდა, _ განაცხადა ბათიაშვილმა გადაცემა "2030"_ში სტუმრობისას.
