მაშველებმა ზოოპარკის ტერიტორიაზე ნიანგი იპოვეს.
ცოცხალი ნიანგი ზოოპარკის ქვედა ნაწილში შლამში იყო ჩაფლული. მაშველებმა და შეიარაღებული ძალების წარმომადგენლებმა მისი ამოყვანა და ზოოპარკში მოწყობილ აკვარიუმში უვნებლად ჩასმა მოახერხეს.
ამჟამად ზოოპარკის ტერიტორიაზე გაწმენდითი სამუშაოები ისევ მიმდინარეობს. ადგილზე დასუფთავების სამსახურის თანამშრომლები, სამაშველო ბრიგადები და შეიარაღებული ძალების წარმომადგენლები არიან.
შეგახსენებთ, რომ 14 ივნისს გვიან ღამით მომხდარმა სტიქიამ ზოოპარკის ტერიტორია მთლიანად გაანადგურა. ჯერჯერობით დაკარგულად ითვლება 24 ადამიანი, 12 კი, ოფიცილური მონაცემებით, გარდაცვლილია.
