რამდენიმე მედიასაშუალებაში დღეს სტიქიის დროს დაღუპული ადამიანების სახელი და გვარები გავრცელდა. მათ შორის არის ივლიტა ჯიბუტიც. ოჯახის ახლობლების თქმით, ეს ინფორმაცია არასწორია:
_ ძალიან გთხოვთ, ნუ ავრცელებთ არასწორ ინფორმაციას _ ივლიტა ჯიბუტი არ არის გარდაცვლილთა სიაში. გუშინს შემდეგ მას ყველა ეძებს _ ოჯახის წევრები, ახლობლები, მეგობრები. ნუ დაგავიწყდებათ, რომ 24 დაკარგულიდან 14 ცოცხალი იპოვეს. არსებობს იმედი, რომ ივლიტა ცოცხალია. გთხოვთ, ნუ წაგვართმევთ ამ იმედს, _ ამბობენ "გურია ნიუსთან" საუბარში ივლიტას ახლობლები.
ივლიტა ჩოხატაურის მუნიციპალიტეტიდანაა და ის მამა გიორგის ქალიშვილია.სტიქიის დროს ივლიტა მეუღლესთან და მეგობარ გოგონასთან ერთად ვერეს ხეობაში, სახლში იმყოფებოდა და საგამოცდოდ ემზადებოდა.
როგორც ივლიტას ახლობლებმა გვითხრეს, როცა სახლში წყალი შევარდა, მეუღლემ ის და მისი მეგობარი გოგო სახლის სახურავზე აიყვანა, საიდანაც სამაშველო სამსახურში დარეკა:
_ როგორც ივლიტას მეუღლე ყვება, 40 წუთი სახურავზე ელოდებოდნენ მაშველებს. ამ დროის განმავლობაში მეუღლე ივლიტას და მის მეგობარს ხელით იჭერდა, თუმცა, მოვარდნილმა ნიაღვარმა სახლი, რომლის სახურავზეც იყვნენ, წაიღო და სამივენი წყალში ჩაცვივდნენ.
სწორედ ამ დროს მოვიდნენ მაშველები, რომლემაც ივლიტას მეუღლის გადარჩენა მოახერხეს, _ გვითხრა ივლიტა ჯიბუტის ერთ-ერთმა ახლობელმა.
"გურია ნიუსი" გთხოვთ, თუ ვინმეს გაქვთ რაიმე ინფორმაცია ივლიტას შესახებ, დაგვიკავშირდით ტელეფონის ნომრებზე: 551373636; 599375373; 577725854.
