თბილისის ზოგიერთ ქუჩას დღეს ღამე გაზმომარაგება შეეზღუდება.
"ყაზტრანსგაზ-თბილისის" ინფორმაციით, ვერეს ხეობაში სტიქიის შედეგების სალიკვიდაციოდ მიმდინარე აღდგენითი სამუშაოების დროს (ხე დაეცა) შპს "ყაზტრანსგაზ-თბილისის" 500 მმ ცენტრალურ გაზსადენზე დაერთებული 50 მმ-იანი საშუალო წნევის გაზსადენი დაზიანდა, რის გამოც ბენდელიანის ქუჩას გაზმომარაგება შეუწყდა.
"გარდა ზემოთ აღნიშნულისა, სტიქიის შედეგად დაზიანებული გაზსადენების სარეაბილიტაციო სამუშაოების ჩატარების გამო, 2015 წლის 16 ივნისის 24:00 სააათიდან 17 ივნისის 10:00 საათამდე გაზმომარაგება შეუწყდება შემდეგ ქუჩებს: – ი. ჭავჭავაძის გამზ. 9, 11, 17, 21, 2, 33, 35, 37, ჭავჭავაძის ჩიხის (ახლ. ნინო რამიშვილის ქუჩის), ატენის, გაბაშვილის, აბულაძისა და ყიფშიძის ქუჩის კორპუსების მოსახლეობას, ფიქრის გორაზე – ვ. ანჯაფარიძის, შიო-მღვიმელის, შარაშიძის, ფასანაურის, ქუჩიშვილის, კოსტავას (ვერის) I და II შესახვევის, კეკელიძის, ჟვანიას, ზემო ვაკის (ახლ. ჯაფარიძის) ქუჩების მოსახლეობას. ასევე, მზიურის ტერიტორიაზე პოლიციის შენობას, ცირკის შენობას, მდინარე მტკვრის სანაპიროზე – გაზგასამართ სადგურს (ყოფ. სასწრაფო სამედიცინო დახმარების სადგურთან) და აღნიშნულ ტერიტორიაზე არსებულ კომუნალურ და კომერციულ ობიექტებს (5000-მდე აბონენტი)", – ნათქვამია განცხადებაში.
კომპანიის ინფორმაციით, გაზმომარაგება სამუშაოების დასრულებისთანავე ეტაპობრივად აღდგება.
"გაცნობებთ, რომ სტიქიის შედეგად მიყენებული ზიანის აღმოფხვრამდე შპს "ყაზტანსგაზ-თბილისის" ცხელი ხაზი (ტელ: 240 40 04) იმუშავებს ყოველ დღე 09:00 საათიდან 21:00 საათამდე, ხოლო კომპანიის საავარიო-სადისპეჩერო სამსახური (ტელ: 114) 24 საათიან რეჟიმში იმუშავებს", – ნათქვამია "ყაზტრანსგაზ-თბილისის" განცხადებაში.
