"ოზურგეთის მერიამ გურია ნიუსთან გააკეთა განცხადება, რომ თითქოს ჩვენს შენიშვნებს ითვალისწინებენ და რომ თითქოს იდენტიფიცირების შემდგომ აბრუნებენ დატყვევებულ ძაღლებს. უძრავი ქონების რეესტრის ამონაწერიდან ირკვევა, რომ ოზურგეთში მდებარე ძაღლების სასაკლაო ტერიტორია არის გიორგი მაღლაფერიძის საკუთრებაში, ოზურგეთის მერია კი აცხადებს რომ მერია აშენებს ამ ადგილას თავშესაფარს. თუ მერია აშენებს, მაშინ რატომ აფორმებს სხვა რაიონებში ხელშეკრულებებს ინდ მეწარმე და ამავდროულად ოზურგეთის მუნიციპალური ორგანიზაციის თანამშრომელი გიორგი მაღლაფერიძე სხვადასხვა რაიონების გამგეობების და მერიების ინსპექტირების ჯგუფებთან აქტებს, რომ იქ დაჭერილი ძაღლები ოზურგეთის "თავშესაფარში" იქნენ გადაყვანილნი? თუ მაღლაფერიძე არის მფლობელი, მაშინ რატომ ამბობს ოზურგეთის მერია, რომ მერიის ბალანსით კეთდება? ეს არის პირდაპირი კვალი იმისა, რომ ოზურგეთის მერი ბეგლარ სიორიძე და სამეგრელო-ზემო სვანეთისა და გურიის ძაღლმკველი გიორგი მაღაფერიძე იმყოფებიან გარიგებაში, ფინანსთა სამინისტროს საგამოძიებო სამსახურისათვის სხვა რომ არაფერი ესეც კი საკმარისია რომ მოახდინოს რეაგირება."- ამ განცხადებას სოციალურ ქსელში "საქართველოს ცხოველთა დაცვის ფედერაცია" ავრცელებს.
"გურია ნიუსი" " საქართველოს ცხოველთა დაცვის ფედერაციის" განცხადებას უცვლელად გთავაზობთ.
"ჩოხატაურში, ლანჩხუთში, ფოთში და კიდევ სხვა რაიონებში გიორგი მაღაფერიძე უფორმებს ხელშეკრულებებს თვითმმართველობებს, რომ თითქოს იგი გადაიყვანს ამ ადგილებში დაჭერილ უსახლკარო ძაღლებს თავშესაფარში, ხელშეკრულებებში პირდაპირ ასე წერია, ასევე ეს გაწერილია საკრებულოების მიერ დამტკიცებულ წლიურ ბიუჯეტებში, ოფიციალურად ევალებათ თავშესაფარში გადაყვანა, მუნიციპალიტეტების ინსპექტირების ჯგუფები ადგილზე აფორმებენ აქტებს რომ თითქოს მოხდება ცხოველების გადაყვანა, ვეტერინარული მომსახურება და მოვლა-პატრონობა ამ ცხოველებზე და თანხები გიორგი მაღლაფერიძის საბანკო ანგარიშზე ირიცხება, ასობით ძაღლს იჭერს ყოველ თვეში და ამის შემდგომ არ ასრულებს ნაკისრ ვალდებულებებს. წელიწადში დაჭერილი მრავალი ძაღლი ადგილზე ფიზიკურად ვერ დაეტევა, ცხადია. ადგილზე გამომწყვდეული ჰყავთ 20-25 ძაღლი, ნაწილი თავისით იხოცება წყლისა და საკვების გარეშე, დანარჩენებს კი ხოცავენ და ორმოებში ყრიან. იქვე არის ორმოები ამოთხრილი და ნებისმიერს შეუძლია იხილოს ეს. იტყუებიან რომ თითქოს იდენტიფიცირებას აკეთებენ,ეს რომ დაადასტურონ, მაშინ უნდა გვანახონ ფოტო-ვიდეო მასალა, რომელიც დაადასტურებს ძაღლების დანომვრას , სინამდვილეში კი ადამიანი არ მოიძებნება სამეგრელო-ზემო სვანეთში და გურიაში, ქუჩაში ენახოს დაბირკული ძაღლი. იმიტომ ვერ ნახავთ, რომ ყველას ხოცავენ.
ათვისებული თანხები შემდგომ უკვე ნაწილდება, რაღაც ნაწილი მაღლფერიძის ჯიბეში მიდის. ბეგლარ სიორიძე, როგორც მაღლაფერიძის მფარველი, გაცილებით დიდ თანხას იღებს. გიორგი მაღლაფერიძე მხოლოდ შემსრულებელია. პროპორციით ალბათ უკანონოდ ათვისებული თანხების დაახლოებით 65-70 % მიდის ბეგლარ სიორიძის ჯიბეში, ხოლო ძაღლმკვლელი გიორგი მაღლაფერიძის ჯიბეში – მთლიანი თანხის 30-35 %.
კანალიზაციასა და წყალგაყვანილობაზე საერთოდ ზედმეტია საუბარი. წაიკითხოს ოზურგეთის მერიის პრესსამსახურმა რას ნიშნავს სიტყვა ,"თავშესაფარი" და მერე მოატყუოს ჟურნალისტები, რომ თითქოს თავშესაფარი აქვთ. თავშესაფარი ნიშნავს ადგილს, სადაც უნდა იყოს კანალიზაცია, წყალგაყვანილობა, ელექტროენერგია, ვეტერინარული მომსახურება და კვება. მანქანით თვეში ერთხელ მიიტანს გიორგი მაღლაფერიძე სათლით 5 ლიტრა წყალს და დადგამს შუაგულში. სულ ესაა. დ აბინძურებულ წყალს ნაწილი ფიზიკურად ვერ სვამს, რადგანაც გამოკეტილია ლითონის კონსტრუქციაში. ლეკვები ვერ წვდებიან ამ ბინძურ წყალსაც კი, რადგანაც ჭურჭელი მაღალია მათთან შედარებით, ნაწილი უჭმელობით იხოცება. ათასობით ძაღლი კი იქვე არის დამარხული, კონსტრუქციიდან ორი მეტრის დაშორებით. კატეგორიულად მოვითხოვთ ბეგლარ სიორიძისაგან, რომ შეწყვიტოს ძაღლების ხოცვა! ამ ინფორმაციას ჩვენ მივაწოდებთ საერთაშორისო ორგანიზაციებს და და უცხო ქვეყნების საკონსულოებს!
"გურია ნიუსი" გოგი მაღლაფერიძესთან დაკავშირებისთანავე, შემოგთავაზებთ მის კომენტარს.
