“ქართული ოცნების” ოზურგეთის ოფისს ვახტანგ ბლაგიძე უხელმძღვანელებს

ჩვენი წყაროს ინფორმაციით, საზოგადოებრივი მოძრაობა “ქართული ოცნების” ოზურგეთის ოფისს, ცნობილი სპორტსმენი, ვახტანგ ბლაგიძე უხელმძღვანელებს. “გურია ნიუსთან” საუბრისას, ბლაგიძე ამბობს, რომ, ჯერჯერობით, საბოლოო გადაწყვეტილება მიღებული არ არის: _ საუბარი არის, რომ მე ვუხელმძღვანელო “ქართული ოცნების” ოზურგეთის ოფისს, თუმცა, ჯერ გადაწყვეტილება არ არის მიღებული და მეც არ მინდა მოვლენებს წინ გავუსწრო, _ გვითხრა ბლაგიძემ.

ვახტანგ ბლაგიძე 1980 წელს გახდა ოლიმპიური ჩემპიონი ბერძნულ-რომაულ ჭიდაობაში. არის მსოფლიოს და ევროპის ორ-ორგზის ჩემპიონი, მსოფლიო უნივერსიადის ჩემპიონი, მრავალი საერთაშორისო ტურნირის გამარჯვებული, სსრკ სპორტის დამსახურებული ოსტატი და ღირსების ორდენის კავალერი.