უკრაინის ავტოკეფალიურმა მართლმადიდებელმა ეკლესიამ (УАПЦ) და კიევის საპატრიარქოს უკრაინის მართლმადიდებელმა ეკლესიამ (УПЦ КП) მიაღწიეს შეთანხმებას ადგილობრივ უკრაინულ მართლმადიდებლურ ეკლესიაში გაერთიანების შესახებ. სამშაბათს ეს ინფორმაცია ფეისბუკის პირად გვერდზე გაავრცელა კიევის საპატრიარქოს ინფორმაციის მართვის ხელმძღვანელმა, ევსტათი ზორიამ.
"შეთავაზებული იქნას УАПЦ -ს წარმომადგენელს და მის საეპოსკოპოსო კრებას, და ასევე УПЦ КП -ს წარმომადგენელს და მის წმინდა სინოდს, რომ, გადაუდებლად, 2015 წლის 30 ივნისამდე, მიიღოს გადაწყვეტილება გაერთიანებული კრების მოწვევის შესახებ, რათა საბოლოოდ მოხდეს УАПЦ და УПЦ КП -ს გაერთიანება ერთიან ადგილობრივ ეკლესიაში", _ აღნიშნულია დოკუმენტში, რომელსაც მოეწერა ხელი ორი ეკლესიის წარმომადგენლთა შეხვედრაზე, და რომელიც გამოაქვეყნა ევსტათი ზორიამ.
გაერთიანებული კრების მოწვევის სავარაუდო თარიღად სახელდება 2015 წლის 14 სექტემბერი, ადგილად- კიევის სოფია (ალბათ ტაძარი იგულისხმება). გაერთიანებულ კრებაზე გამოტანილ იქნება ყველა შემოთავაზება და პირობა, რაც ამ ეკლესიების შეერთებას ეხება, მათ შორის ხელმძღვანელისა და დასახელების საკითხი. ყველა საკითხზე გადაწყვეტილება მიიღება ხმათა უმრავლესობის პრინციპით.
ამჟამად ეს ორი ეკლესია არ არის აღიარებული არც ერთი კანონიკური ეკლესიის მიერ. УПЦ КП დარსდა უკრაინული მართლმადიდებლობის ორი განშტოების გაერთიანების შედეგად, რომლებიც მხარს უჭერდნენ რუსეთის მართლმადიდებლური ეკლესიისაგან დამოუკიდებლობას, ანუ УПЦ მოსკოვის საპატრიარქოს და უკრაინის ავტოკეფალიური მართლმადიდებლური ეკლესიის ნაწილთაგან.
შეგახსენებთ, რომ გასულ კვირაში მოსკოვის საპატრიარქოს უკრაინის მართლმადიდებელი ეკლესიის (УПЦ МП) მეუფემ, კიევისა და სრულიად უკრაინის მიტროპოლიტმა ონოფრემ, УАПЦ -ს წარმომადგენლებს შესთავაზა განეახლებინათ დიალოგი უკრაინაში მართლმადიდებელ ქრისტიანებს შორის ერთიანობის აღდგენისათვის.
УПЦ МП -ს დელეგაციამ, დამკვირვებლის სტატუსით, მონაწილეობა მიიღო УАПЦ-ს ადგილობრივ კრებაზე, კიევში, რომელზეც ავტოკეფალიური ეკლესიის ხელმძღვანელი გახდა მიტროპოლიტი მაკარი ( წინა ხელმძღვანელი იყო მიტროპოლიტი მეთოდე, რომელიც მიმდინარე წლის თებერვალში გარდაიცვალა)
კრებაზე УПЦ МП-ის წარმომადგენლის სახით გამოსულმა კიევის მიტროპოლიის მეუფემ, Бородянский ეპისკოპოსმა ბარსანოფიმ აღნიშნა, რომ მიტროპოლიტი მეთოდე იყო: "მტკიცე მომხრე უკრაინაში მართლმადიდებელ ქრისტიანებს შორის ერთიანობის აღდგენისა, მართლმადიდებელი ეკლესიის კანონიკური უფლების საფუძველზე".
"მიგვაჩნია, რომ ახლა საჭიროა ყური ვუგდოთ მის სურვილებს, რომლებიც მას სიცოცხლეში ჰქონდა. ამიტომ, УПЦ-ს მმმართველის, კიევისა და სრულიად უკრაინის მიტროპოლიტის, უწმინდესი ონოფრეს ბრძანებით, გადმოგცემთ შემოთავაზებას ჩვენს ეკლესიებს შორის დიალოგის განახლების შესახებ", – განაცხადა ბარსანოფიმ და აღნიშნა, რომ " УАПЦ-ს მხრიდან არ არის ისეთი აგრესიული დამოკიდებულება ჩვენი ეკლესიის მიმართ, როგორსაც აქვს ადგილი სხვათა მხრიდან"
თუმცა მანამდე, როდესაც მიტროპოლიტმა მაკარიმ განაცხადა, რომ "საეკლესიო გაერთიანება უკრაინაში – მნიშვნელოვანი და გადაუდებელი საკითხია", ფაქტიურად УАПЦ და კიევის საპატრიარქოს უკრაინის მართლმადიდებელი ეკლესიის შესაძლო გაერთიანების შესახებ გვაუწყა.
ამა წლის აპრილის ბოლოს УПЦ КП- მ УАПЦ-ს მიმართა დიალოგის განახლებისა და ერთიან ადგილობრივ მართლმადიდებელ ეკლესიაში გაერთიანების მოწოდებით.
"კიევის საპატრიარქო მხარს უჭერს და მიესალმება მოსაყდრის (местоблюстител) პოზიციას… საეკლესიო გაერთიანების საქმის სწრაფი და გადაუდებელი განხილვის შესახებ", _ აღნიშნული იყო განცხადებაში.
"ჩვენ ვიცით, რომ გადაუდებელი გაერთიანების საკითხი УАПЦ- სა და კიევის საპატრიარქოსი , წარმოადგენს მორწმუნეთა და УАПЦ-ს სასულიერო პირთა აბსოლუტური უმრავლესობის სურვილს", _ ხაზგასმულ იქნა დოკუმენტში. УПЦ КП ასევე აღნიშნავს, რომ პროცესს გააჩნია სულიერი მხარდაჭერა მსოფლიო პატრიარქისაგან და უკრაინული საზოგადოების მიერ.
განცხადების თანახმად, УПЦ КП- ში ემხრობიან სურვილს, რომ შენარჩუნებულ იქნას სახელი УАПЦ საეკლესიო დადგენილებათა დოკუმენტებში და იმედოვნებენ, რომ УАПЦ -ს საეპისკოპოსო კრების შედეგად დაუყოვნებლივ დაიწყება დიალოგი გაერთიანების შესახებ.
დღესდღეობით უკრაინაში მოქმედებს სამი მართლმადიდებლური სტრუქტურა, რომელთაგან მხოლოდ ერთი – УПЦ МП – არის აღიარებული მსოფლიოს ყველა ადგილობრივი ეკლესიის მიერ. დანარჩენი ორი – УПЦ КП и УАПЦ – პოლიტიკური ხელმძღვანელების მხარდაჭერით, უკვე ორ ათწლეულზე მეტია ითხოვენ აღიარებასა და ლეგიტიმაციას.
