საარჩევნო კამპანიის დაფინანსების მონიტორინგის შუალედური ანგარის მიხედვით, რომელიც დღეს „საერთაშორისო გამჭვირვალობა-საქართველომ” გამოაქვეყნა, 1 აგვისტოდან 15 ოქტომბრის ჩათვლით ,,ქართული ოცნების“ მხარდაჭერილ საპრეზიდენტო კანდიდატს, სალომე ზურაბიშვილს ამომრჩევლებმა უპრეცედენტოდ მაღალი რაოდენობის თანხა, ჯამში, 3 105 011 ლარი შესწირეს. სხვა კანდიდატების შემოწირულობები კი შემდეგნაირად გადანაწილდა:
გრიგოლ ვაშაძე – 583 820 ლარი, დავით ბაქრაძე – 516 404 ლარი, დავით უსუფაშვილი – 13 290 ლარი, კახა კუკავა – 6 596 ლარი და შალვა ნათელაშვილი 1 000 ლარი”,_ აღნიშნულია ,,საერთაშორისო გამჭვირვალობა-საქართველოს“ განცხადებაში.
ექვსმა საპრეზიდენტო კანდიდატმა მთლიანობაში 4 226 120 ლარის ოდენობის შემოწირულობა მიიღეს, საიდანაც 99% ფიზიკური პირების მიერ გაღებული თანხაა.
