ოზურგეთის მუნიციპალიტეტის სიმბოლოები შერჩეულია. ოზურგეთს მუნიციპალიტეტის საკრებულოს პრესსსამსახურის, ნათია ზედგენიძის ინფორმაციით, მირიან კიკნაძის ნამუშევარი ჰერალდიკის სახელმწიფო საბჭომაც განიხილა და პროექტში ავტორთან შეთანხმებით შეტანილი ცვლილებების შემდეგ, სიმბოლოების დამტკიცებას მხარი დაუჭირა.
12 ავტორის მიერ წარმოდგენილი 20-ზე მეტი ნამუშევარი, ოზურგეთის მუნიციპალიტეტის სიმბოლოების შემუშავების მიზნით შექმნილი, საკრებულოს დროებითი სამუშაო ჯგუფის ხელმძღვანელმა დიმიტრი კვერღელიძემ კომისიის წევრებს, მასმედიის წარმომადგენლებსა და ექსპერტებს საჯაროდ გააცნო. კომისიამ მირიან კიკნაძის ესკიზი მოიწონა, რომელიც პარლამენტთან არსებულ ჰერალდიკის სახელმწიფო საბჭოსაც გადაეგზავნა. კანონის თანახმად მუნიციპალიტეტის გერბს, დროშას და სხვა სიმბოლოებს, მათ გამოსახვის ფორმებსა და აღწერილობებს, ჰერალდიკის საბჭოს თანხმობით ადგენს მუნიციპალიტეტის საკრებულო.
"მოხარული ვარ, რომ საკრებულო მორიგ სხდომაზე ახალ სიმბოლოებს დაამტკიცებს. ჩვენ ამ ნაბიჯით ვასრულებთ მნიშვნელოვან პროცესს,რომელიც სრულიად გამჭვირვალედ, ობიექტურად და ყველა სათანადო პრინციპის დაცვით მიმდინარეობდა. ვულოცავ ოზურგეთის მოსახლეობას სასურველი სიმბოლოების შერჩვას, ეს ყოფილიყოს ბევრი კარგი საქმის საწინდარი მუნიციპალიტეტის მოსახლოებისათვის"-განაცხადა დიმიტრი კვერღელიძემ.
მირიან კიკნაძე ჰონორარის სახით მუნიციპალიტეტისგან 3 000 ლარს მიიღებს.
