ამერიკული გამოცემა THE GUARDIAN-ი გორში არსებული იოსებ სტალინის სახლმუზეუმის შესახებ სტატიას სათაურით – "საქართველოს სტალინის მუზეუმი საბჭოთა დიქტატორის ცხოვრების ამბავს ყვება" აქვეყნებს.
ათასობით ტურისტი სტუმრობს გორში სტალინის მუზეუმს,სადაც მის ჩადენილ დანაშაულებზე არ საუბრობენ, _წერია გამოცემის მიერ გამოქვეყნებულ სტატიაში.
"გურია ნიუსი" სტატიის თარგმანს გთავაზობთ:
გორის სტალინის მუზეუმი არის ადგილი, სადაც სტუმრებს შეუძლიათ ნახონ თუ როგორ ცხოვრობდა ის,მიუხედავად იმისა,რომ მილიონობით ადამიანი მოკლა.
"შესაძლოა მან დაუშვა გარკვეული შეცდომები,მაგრამ ყველა მედალს ორი მხარე აქვს. ამიტომ ჩვენ მას პატივს ვცემთ,როგორც ლიდერს,რომელმაც დიდი იმპერია შექმნა და მეორე მსოფლიო ომში გაიმარჯვა", _აღნიშნა გამოცემასთან საუბარში ზურაბმა, რომლის ოჯახიც წარმოშობით საქართველოდანაა.
თუმცა, გამოცემის ცნობით, გასაკვირი არ არის,რომ ყველა არ იზიარებს ამ ხედვას.
"გიდს არაფერი უთქვამს სტალინის მიერ ჩადენილ დანაშაულებზე. ეს წარმოუდგენელია, გერმანიაში ჰიტლერთან დაკავშირებით მსგავსი არაფერი ხდება."_ამბობს გამომცემასთან საუბარში გერმანელი ტურისტი გაბი შულდერი.
ისტორიკოსი ლაშა ბაქრაძე, რომელიც უკვე დიდი ხანია სტალინის შესახებ ალტერნატიულ გამოფენას აკეთებს ამბობს, რომ მარტო სტალინის ერთი მხარე ჩანს.
"ეს არის გაურკვევლობის ბრალი", _ამბობს ბაქრაძე.
გამოცემის ინფორმაციით, ბაქრაძე საქართველოს ხელისუფლების წარმომადგენლებს თითქმის 60 წლის მუზეუმის განახლებას სთხოვს. წარსულში მცდელობა იმისა,რომ სტალინის მეორე მხარეზეც შესაძლებელი ყოფილიყო საუბარი უშედეგო აღმოჩნდა. 1930 წლის ისტორიის მოყოლას უკრაინის დიდ წმენდასა და განზრახ შიმშილზე, გორის საკრებულოსთან სტალინის თაყვანისმცემლების აქციები გამოიწვია.
ბაქრაძეს კონფლიქტური შეხედულებები არის ნიშანი, რომ საქართველო თავის წარსულთან შერიგებას ცდილობს, მიუხედავად იმისა, რომ დასავლეთთან მჭიდრო კავშირი აქვს.
"ჩვენ კიდე არ ვიცით, თუ რა საქმე შესაძლოა გვაკავშირებდეს სტალინთან ჩვენს საბჭოთა ისტორიაში", _ამბობს ბაქრაძე.
ისტორია ცხადყოფს,რომ სტალინის მმართველობის პერიოდში 30 000-მდე ქართველი დააპატიმრეს და დახვრიტეს.
ზოგიერთი ადამიანი დღესაც მოხიბლულია პატარა საქართველოს ღარიბი ბიჭის ისტორიით, რომელსაც ბედად რუსეთის ხელმძღვანელობა ერგო.
"ჩვენ ყოველთვის სტალინის სადღეგრძელოს ვსვამთ,საქართველოს კიდევ სჭირდება მასავით ძლიერი ადამიანი", _ამბობს ფერმერი გიორგი მაზმიშვილი.
2010 წელს, როდესაც საქართველოს პრეზიდენტმა მიხეილ სააკაშვილმა დიქტატორის უზარმაზარი ქანდაკება გორის მთავარი მოედნიდან აიღო, ხალხი აღშფოთდა. გარდა ამისა, სტალინის თაყვანისმცემლები ხშირად მართავენ აქციებს და საქართველოს ევროკავშირსა და ნატო-ში შესვლას ეწინააღმდეგებიან და აკრიტიკებენ.
THE GUARDIAN-ის ცნობით,ეს უმცირესობის შეხედულებაა. თუმცა, საქართველოს რუსეთთან დაძაბულობის ფონზე ვლადიმერ პუტინი დიქტატორის რეპუტაციის აღორძინებისთვის გაცილებით მეტს აკეთებს. როგორც ხალხი ამჩნევს, სტალინის "იდენტობის საკითხი"დგება, ამბობს ოპოზიციონერი დეპუტატი გიორგი კანდელაკი, რომელიც აქტიურად იყო ჩართული წინა ხელისუფლების პერიოდში სტალინიზაციის წინააღმდეგ კამპანიაში.
ბაქრაძე კიდევ უფრო შორს მიდის და აცხადებს, რომ საქართველოს ახლო მომავალში დემოკრატია დამოკიდებული იქნება ხალხის მიერ საბჭოთა ისტორიის ცოდნაზე.
"იმ შემთხვევაში, თუ სწორად გვესმის ტოტალიტარიზმის ყველა ასპექტი, ჩვენ განვვითარდებით უზენაესის კანონის მიხედვით,"_ამბობს ის.
გამოცემის ინფორმაციით,საქართველოს მთავრობამ ალტერნატიულ გამოფენას კარგი მასალა მისცა სტალინზე მოსათხრობად-საუბარია სტალინის მიერ მინიმუმ 3 600 ქართველის სიკვდილით დასჯის ხელმოწერაზე. კაგებეს დოკუმენტი შინაგან საქმეთა სამინისტრომ მის პირად მუზეუმში გამოფინა. 2011 წლის შემდეგ, რაც ე.წ. ლუსტრაციის კანონი საქართველოს პარლამენტმა დაამტკიცა,დოკუმენტი არქივში უკვე საჯაროდ ხელმისაწვდომი გახდა.
კერძო მუზეუმი კიდევ ბევრ ინფორმაციას ფლობს კაგებეს ბოროტად გამოყენების და სტალინის ცნობილი საიდუმლო პოლიციის უფროსის,ლავრენტი ბერიას რეპრესიებიდან გაქცევის შესახებ.
ომარ თუშურაშვილის, არქივის დირექტორისა და ყოფილი კაგებეს ოფიცერის თქმით, "ეს მწარე სიმართლეა,დოკუმენტიდან მარტო სახელებია ამოღებული,იდენტობის დაცვის მიზნით."
საქართველოს ყოფილი ხელისუფლების რამდენიმე წარმომადგენლის თქმით,რამდენიმე დოკუმენტი გამოქვეყნდა, თუმცა განსაკუთრებით მგრძნობიარე დეტალები არ გაუხმაურებიათ. მაგალითად, 22 000-მდე ქართველი კაგებეს ინფორმატორად მუშაობდა. სია, სამწუხაროდ, ბევრი მართლმადიდებელი მღვდელის შესახებ ინფორმაციასაც შეიცავს.
"ვწუხვართ იმედგაცრუების გამო, მაშინ როდესაც ბევრ რამეს უკვე გავუძელით.როცა უკან ვიხედები,ვხვდები,რომ ბევრი რამ შესაძლოა შეცდომა იყო."_განაცხადა ერთ-ერთმა წარსულში ოფიციალურმა პირმა.
თუშურაშვილი უარყოფს წარსულში ინფორმატორების შესახებ ფაილების არსებობას.მისი თქმით,ის ან 1992 წელს გაანადგურეს,ან საბჭოთა კავშირის დაშლის შემდეგ რუსეთში წაიღეს. თუმცა, აქტივისტების კითხვაზე თუ რატომ არის ლუსტრაციის კანონით დოკუმენტების ნაწილი გასაიდუმლოებული,თუშურაშვილი პასუხობს,რომ იგეგმება საჯარო მუზეუმისთვის არქივის მასალების გადაცემა,თუმცა როდის არ იცის.
ბაქრაძე მიიჩნევს,რომ ჯერ კიდევ არ არის დაგვიანებული შეცვლა და უფრო მეტად გახსნა,მიუხედავად საქართველოს შემოგარენის რუსეთის ჯარის მიერ კონტროლირებისა და უკრაინა განიხილავს საკუთარ ლუსტრაციის კანონს საქართველოს მაგალითზე.
ამასობაში კი, მილიონობით ტურისტი ეწვევა სტალინის მუზეუმს სადაც 1979 წლის შემდეგ მონიტორები ძლივს შეიცვალა. მათ ტური, რომელშიც შედის სარკინიგზო ვაგონის, ნიღბების, ასობით ფერწერული ნამუშევრის, ფოტომასალისა და ხელნაწერების ნახვა 3 ევრომდე უჯდებათ.
კურატორი ქეთი ახობაძე აღიარებს, რომ ბევრი მნახველი სტუმრობს.
"ჩვენ გვსუმრობდა კუბელების ჯგუფი,რომლებმაც სტალინის ძეგლის წინ მარსელიოზა იმღერეს", _ ამბობს ახობაძე.
