შსს-ს საპატრულო პოლიციის დეპარტამენტი გაცნობებთ, რომ 11 აგვისტოს, 18:00 საათიდან, თბილისში, უეფა-ს სუპერთასის მატჩთან დაკავშირებით, ავტომანქანების გადაადგილება იკრძალება შემდეგ ქუჩებზე:
მტკვრის მარცხენა სანაპიროს და ცაბაძის ქუჩის კვეთიდან ცაბაძისა და თევდორე მღვდლის ქუჩების კვეთამდე (ცაბაძის ქუჩა სრულად დაიკეტება)
წერეთლის გამზირის დასაწყისიდან ვახუშტის ქუჩის კვეთამდე.
დაიკეტება აღმაშენებლის გამზირი. კერძოდ, თამარ მეფის გამზირისა და დავით აღამაშენებლის გამზირის კვეთიდან აღმაშენებლის გამზირისა და ცაბაძის ქუჩის კვეთამდე.
ავტომანქანები ვერ იმოძრავებენ დავით ყიფიანისა და მეტრეველის ქუჩებზე.
მოძრაობა იკრძალება თამარ მეფის გამზირისა და წინამძღვრიშვილის ქუჩის კვეთიდან წინამძღვრიშვილის ქუჩისა და წერეთლის გამზირის კვეთამდე
მძღოლები ვერ იმოძრავებენ აბასთუმნის ქუჩაზე.
სრულად დაიკეტება ბ.პაიჭაძის სახელობის ეროვნული სტადიონის – "დინამო არენას" მიმდებარე ქუჩები.
ავტომანქანებით გადაადგილება ქუჩების გადაკეტვის დროს ნებადართული იქნება მტკვრის მარცხენა სანაპიროზე, თამარ მეფის გამზირსა და თევდორე მღვდლის ქუჩაზე.
