გთავაზობთ "ფაქტ მეტრის" კვლევას რომელიც საქართველოში ასაკობრივი პენსიის პროცენტულ ზრდას ეხება. "ფაქტ მეტრმა" გადაამოწმა საქართველოს მთავრობის მიერ გავრცელებული განცხადების სიზუტე, სადაც ნათქვამი იყო, რომ ასაკობრივი პენსია, ახალი ხელისუფლების პირობებში 60% გაიზარდა.
"2012 წელს ასაკობრივი პენსია 110-125 ლარი იყო. 2013 წლის აპრილიდან პენსიის ოდენობა ყველა პენსიონერისთვის 125 ლარი გახდა. 2013 წლის სექტემბრიდან კი პენსია 150 ლარამდე გაიზარდა. 2014 წელს პენსია არ გაზრდილა. მიმდინარე წლის სექტემბრიდან პენსია 10 ლარით გაიზარდა. შესაბამისად, ასაკობრივი პენსია ბოლო სამ წელიწადში მინიმალურ პენსიასთან (110 ლართან) მიმართებით 45%-ით (და არა 60%-ით) გაიზარდა.
"ქართული ოცნების" მთავრობის პირობებში ასაკობრივი პენსიის მნიშვნელოვანი ზრდა მხოლოდ 2013 წელს დაფიქსირდა. აქვე აღსანიშნავია, რომ პენსიის ანალოგიური ზრდა გათვალისწინებული იყო წინა ხელისუფლების მიერ პარლამენტში წარდგენილ 2013 წლის ბიუჯეტის პროექტშიც.
თუ ინფლაციის დონეს გავითვალისწინებთ, შეგვიძლია ვთქვათ, რომ 2013 წლის შემდეგ პენსია რეალურად არ გაზრდილა. 2013 წლის სექტემბრიდან 2015 წლის სექტემბრამდე ინფლაციამ 9% შეადგინა. აქედან გამომდინარე, 2013 წელს პენსიონერს უფრო მეტი მომსახურების და საქონლის მიღება შეეძლო 150 ლარად, ვიდრე 2015 წლის სექტემბერში 160 ლარად.
2012 წელს ასაკობრივი პენსია 110-125 ლარი იყო. ბოლო სამ წელიწადში ასაკობრივი პენსია მინიმალურ პენსიასთან მიმართებით 45%-ით და მაქსიმალურ პენსიასთან მიმართებით 28%-ით (და არა 60%-ით) გაიზარდა. აღსანიშნავია, რომ მოქმედი ხელისუფლების პირობებში პენსიის მნიშვნელოვანი ზრდა მხოლოდ 2013 წელს დაფიქსირდა. გასულ წელს ასაკობრივი პენსია არ გაზრდილა, ხოლო მიმდინარე წლის სექტემბრიდან ასაკობრივი პენსია 10 ლარით გაიზარდა. ასევე, თუ ინფლაციის დონეს გავითვალისწინებთ, შეგვიძლია ვთქვათ, რომ 2013 წლის შემდეგ პენსია რეალურად არ გაზრდილა. 2013 წლის სექტემბრიდან 2015 წლის სექტემბრამდე ინფლაციამ 9% შეადგინა. აქედან გამომდინარე, 2013 წელს პენსიონერს უფრო მეტი მომსახურების და საქონლის მიღება შეეძლო 150 ლარად, ვიდრე 2015 წლის სექტემბერში 160 ლარად.
პენსიებზე ყოველთვიური დანახარჯი მართლაც მნიშვნელოვნად გაიზარდა, რაც პენსიის მატებასთან ერთად, პენსიონერთა რაოდენობის ზრდითაც იყო განპირობებული."
ფაქტ-მეტრის დასკვნით, ასაკობრივი პენსიის 60%-ით ზრდასთან დაკავშირებით მთავრობის მიერ გავრცელებული ინფორმაცია არის მეტწილად მცდარი.
