რევაზ არველაძის მოწოდება ყველას _ “არ დაიწყოთ საარჩევნო ყრილობა”

ფეხბურთის ფედერაციის პრეზიდენტობის კანდიდატი, რევაზ არველაძე ყვეას მოუწოდებს, რომ  გეგა გობეჯიშვილის გათავისუფლებამდე ყრილობა არ დაიწყონ:

_ მოვუწოდებ სუყველას, პირველ რიგში ჩემნ თავს, ყველა კანდიდატს, ყველა დელეგატს, აღმასკომს და აღმასკომის ხელმძღვანელობას _  სანამ ბატონი გეგა გობეჯიშვილი არ გათავისუფლებდა პატიმრობიდან, მანამდე არ დაიწყონ საარჩევნო ყრილობა. ეს არის ჩემი თხოვნაც, მოწოდებაც და ამ მოწოდებაში ვარ მართალი. მინდა დანარჩენებსაც ვუთხრა,  რომ ეს იქნება ყველაზე სწორი გადაწყვეტილება ამ წუთში, _ განაცხადა რევაზ არველაძემ ჟურნალისტებთან საუბრისას.

შეგახსენებთ, რომ  შინაგან საქმეთა სამინისტროს პრესსამსახურის ინფორმაციით, საქართველოს ფეხბურთის ფედერაციის საარჩევნო ყრილობის ერთ-ერთი დელეგატი, რევაზ არველაძის მხარდამჭერი გეგა გობეჯიშვილი დაკავებულია ადმინისტრაციული სამართალდარღვევათა კოდექსის 45-ე მუხლით, რაც ნარკოტიკული საშუალების მოხმარებას გულისხმობს.

 გობეჯიშვილი პოლიციამ წუხელ დააკავა.

გობეჯიშვილის დაკავებიდან მალე,  არველაძემ  ფეისბუქის საკუთარ გვერდზე განცხადება გაავრცელა, სადაც აღნიშნულია, რომ თუ გობეჯიშვილს არ გამოუშვებდნენ არჩევნებში მონაწილეობას არ მიიღებდა:

"გეგა გადაიყვანეს წინასწარი დაკავების იზოლატორში, დიღომში, ქალაქის სამმართველოში (ესე გვეუბნებიან). ველოდებით გონივრულ გადაწყვეტილებას – მის გამოშვებას. თუ ეს არ მოხდა და მალე არ მოხდა, ჩემს მეგობრებთან ერთად ვიდგები ბოლომდე. არ მივიღებ არჩევნებში მონაწილეობას მის გამოშვებამდე და მხოლოდ მისი გამოშვების შემდეგ მივიღებ გადაწყვეტილებას შემდგომი ნაბიჯების შესახებ. ისევ და ისევ, მოვუწოდებ ყველა დელეგატს გამოხტონ პოზიცია და დაგვიდგნენ გვერდით!" _ დაწერა არველაძემ.

გობეჯიშვილის სასამართლო პროცესი დღეს არის ჩანიშნული, თუმცა, ოჯახის წევრების ინფორმაციით იგი ამ დრომდე წინასწარი დაკავების იზოლატორში ჰყავთ.