საქართველოს ფეხბურთის ფედერაციის პრეზიდენტის არჩევნებს ენერგეტიკის მინისტრი, ვიცე-პრემიერი კახა კალაძე ესწრება.
სასტუმრო "ჰოლიდეი ინნ"-ში კახა კალაძე დღეს დილიდან იმყოფებოდა. თუმცა, ის ფეხბურთის ფედერაციის პრეზიდენტის არჩევნებში ჩარევას კატეგორიულად გამორიცხავს.
კალაძემ პროცესებში ჩარევაზე დასმულ კითხვას "პოლიტიკურად ანგაჟირებული" უწოდა და თქვა, რომ მას ამ არჩევნებში "ოპონენტი" არა ჰყავს.
შეგახსენებთ, რომ სასტუმრო "ჰოლიდეი ინნ-ში" დღეს ფეხბურთის ფედერაციის პრეზიდენტის არჩევნები მიმდინარეობს.
ფეხბურთის ფედერაციის პრეზიდენტობისთვის სამი კანდიდატი იბრძვის: რევაზ არველაძე, ლევან კობიაშვილი და მამუკა კვარაცხელია. ფედერაციის პრეზიდენტი 4 წლის ვადით ირჩევა. აქამდე ეს თანამდებობა ზვიად სიჭინავას ეკავა, რომელიც ვადაზე ადრე, არჩევნებამე დაახლოებით ერთი თვით ადრე გადადგა. ამჟამად პრეზიდენტის მოვალეობას ვიცე პრეზიდენტი ალექსანდრე ჩივაძე ასრულებს.
