სახელმწიფო აუდიტის სამსახური თბილისის მერიის ადმინისტრაციასა და რაიონულ გამგეობებში მიმდინარე აუდიტის შესახებ განცხადებას ავრცელებს, სადაც აღნიშნულია, რომ თბილისის მერიის ადმინისტრაციის აუდიტის პროცესში მთელი რიგი არასწორი საკადრო პოლიტიკისა და არაეფექტური მართვის პრობლემები გამოიკვეთა.
"სახელმწიფო აუდიტის სამსახურის მიერ ქალაქ თბილისის მერიის ადმინისტრაციის, ასევე გლდანისა და სამგორის რაიონული გამგეობების 2013-2014 წლებისა და 2015 წლის 6 თვის საფინანსო-ეკონომიკური საქმიანობის შესაბამისობის აუდიტის მიმდინარე პროცესებს მედიის მხრიდან დიდი გამოხმაურება მოჰყვა.
აღნიშნული საკითხებისადმი მაღალი საზოგადოებრივი ინტერესის გამო, სახელმწიფო აუდიტის სამსახური ასაჯაროვებს გლდანისა და სამგორის რაიონული გამგეობების 2013-2014 წლებისა და 2015 წლის 6 თვის საფინანსო-ეკონომიკური საქმიანობის შესაბამისობის აუდიტის მიმდინარეობის პროცესში გამოვლენილ მნიშვნელოვან დარღვევა-ნაკლოვანებებს, რომლებიც შესაბამისი სამსახურების მხრიდან რეაგირებას საჭიროებენ.
თბილისის მერიის ადმინისტრაციის აუდიტის პროცესში გამოიკვეთა მთელი რიგი არასწორი საკადრო პოლიტიკისა და არაეფექტური მართვის პრობლემები, რომელთა შესახებ ინფორმაცია გასაჯაროვდება აუდიტის დასრულების შემდეგ", _ აღნიშნულია აუდიტის სამსახურის მიერ გამოქვეყნებულ განცხადებაში.
