საქართველოს ყოფილი პრემიერ-მინისტრის ბიძინა ივანიშვილის განცხადებით "თავიდანვე რომ შეესწავლათ მარგველაშვილის ბიოგრაფია, ის ახლა პრეზიდენტი არ იქნებოდა":
_ მინდა გავახსენო ტელემაყურებლს, რომ ის იმ სასახლეს იყენებს, რომელიც 16 ათასი კვადრატული მეტრია და არ შედის, მეორე გარემონტებულ სასახლეში. ის ამბობს, რომ ეს არის ჩვენი პირადი დაპირისპირების საგანი და საუბარი არ არის კვადრატულობაზეო.
ის ამბობს, როგორია ვიღაცამ მიგანიშნოს, იქ დაჯექიო. მე ვიცავ ჩემს უფლებებსო და ასევე, მოქალაქეების უფლებებსაცო. მარგველაშვილიც კარგ პოპულარიზაციას მიწევს, ისიც კანონთან მათანაბრებს. მერე რა მოხდა, რომ 16 ათასი კვადრატული მიწა მაქვსო. ის ამ სასახლიდან ფეხს არ მოიცვლის. რა მაქვს დასაპირისპირებელი მარგველაშვილთან.
მე მჭირდება საზოგადოების განვითარება. რომ ამბობენ, პრეზიდენტის ინსტიტუტს აკნინებენო, ესეც „ნაცების“ მოგონილია.
აკრიტიკებენ პრემიერსაც და მთავრობის გუნდის სხვა წევრებსაც. პრეზიდენტმა კონკრეტულ შეკითხვებს პასუხი უნდა გასცეს. ერთადერთი პირობა დამიყენა მარგველაშვილმა, როცა საუბარი იყო პრეზიდენტობის კანდიდატურაზე _ მე დაცვით არ ვივლი და თვითონ უნდა ვმართო საჭე, ხალხთან ახლოს უნდა ვიყოო და დანახარჯებიც ნაკლები იყოსო.
თუ გავიხსენებთ ამ კაცის მოთხოვნებს პრეზიდენტობამდე, რომ ამას უნდოდა დაცვის გარეშე სიარული. ეს კაცი იმ მარგველაშვილს უპირისპირდება, რომელიც პრეზიდენტი არ იყო.
დღევანდელი პრეზიდენტი მარგველაშვილი დაპირისპირებაში პრეზიდენტთან ვერაა, იმ მარგველაშვილთანაა, რომელიც პრეზიდენტობამდე იყო. საკუთარ ხასიათს უპირისპირდება. მისი წარსული თავიდანვე, რომ შეგვესწავლა, ის ახლა პრეზიდენტი არ იქნებოდა.
მას ნაზად მიანიშნეს, რომ სასახლიდან გამოსულიყო, მაგრამ ეს ყურად არ იღო. მე ხმას ამოვიღებ და ხალხსაც ავიყოლიებ ამაში.
რეალურად 2000 კვადრატული მეტრი სჭირდება მას, რა უფლებებიც აქვს იმის ფონზე. არაფრით დატვირთული არ არის, დიდი სტაფი მაგას არა ჰყავს. თავად რომ აცხადებს, რომ კონსტიტუციის დამცველი და დარაჯია, თვითონ უნდა დაიცვას კანონები. ასეთი სააკაშვილიც იყო, _ განაცხადა ბიძინა ივანიშვილმა ტელეკომპანია "იმედისთვის" მიცემულ ინტერვიუში.
