ოდესის გუბერნატორი მიხეილ სააკაშვილი საქართველოს ხელისუფლების და ბიძინა ივანიშვილის წინააღმდეგ ბრალდებებით გამოვიდა და თავის ფეისბუქ გვერდზე ვიდეო-მიმართვა გაავრცელა.
"ივანიშვილის და მისი რუსი მფარველების მეთოდები არ იცვლება. მათ რუსულ საიტზე ატვირთეს ნაწილ-ნაწილ გადაჭერილი, რუსული სპეცსამსახურების მიერ სატელეფონო საუბრები. ისევე, როგორც 2012 წელს, მათ დაგვიდგეს ციხის კადრები და ახლა ხო ყველამ იცის, რომ ციხის კადრები დადგმული იყო.
მოკლეს 9 თვის ბავშვი არჩევნებისთვის და ჩაატარეს ნამდვილი სპეცოპერაცია. რამდენჯერ უნდა აგვაგდონ რუსულმა სამსახურებმა ამ ხრიკებით. რამდენჯერ უნდა წამოგვაგონ ერთი და იგივე სატყუარაზე. ეს არის გაზპრომის ყველაზე მსხვილი აქციონერი ივანიშვილი. მთელი ევროპა ცდილობს, მოუშორებელი ჭირის – გაზპრომის მოშორებას და მან ის უკვე მოშორებული დააბრუნა საქართველოში.
მიაბა ქართული პროდუქცია მთლიანად რუსულ ბაზარს, რითიც ჩამოშალა ქართული ეკონომიკა. ახლა აპირებს სომხეთზე რკინიგზის გახსნას, რაც პირდაპირ ეწინააღმდეგება საქართველოს სატრატეგიულ ინტერესებს, მაგრამ ესეც არის პირდაპირი მოთხოვნა რუსეთის.
დღეს გამოაცხადა, რომ ასრულებს რუსულ მთავარ დაკვეთას , ერთ-ერთს და მე მიხურავს გზას საქართველოს არჩევნებისაკენ, იმიტომ, რომ უნდა ჩამომართვას საქართველოს მოქალაქეობა, მას შემდეგ, რაც იძულებით დამატოვებიეს ქვეყანა. აი, ამ პირობებში, "რუსთავი 2" არის ბოლო ბარიერი, რაც აკავებს, იმიტომ რომ სანამ საქართველოში არის სიტყვის თავისუფლება, ყველა ეს შავბნელი გეგმა ბოლომდე წარმატებული ვერ იქნება.
ამიტომ, რუსთავი 2-ის დაცვა, მათ შორის ფიზიკურად, ადამიანების მიერ დაცვა ძალადობისგან, ეს არის პირდაპირი გზა საქართველოს დემოკრატიის, თავისუფლების და მომავლის გადარჩენის. დიახაც, თუ ჩვენ გვინდა თავისუფლება, უნდა დავდგეთ თავისუფლების სადარაჯოზე. ყველამ იცის, რომ სასამართლო ბლეფია, ყველამ იცის, რომ ყველა კანონი გათელილია, ყველამ იცის, რომ საქმე გვაქვს ჩვეულებრივ ძალადობასთან, ტრივიალურ ძალადობასთან, შანტაჟთან, ბინძურ მეთოდებთან. ნუთუ ჩვენ დავუწვებით და ამას შევურიგდებით?!
და ერთი რამეზე მინდა ახლა ყველა გავაფრთხილო. თუ ახლა ვერ მოვახერხებთ მაგრად ერთად კონსოლიდირებულად დადგომა, ბევრად მეტ ექსცესებს და
და მართლა ძალადობას ვერ ავიშორებთ მომავალში“ – ნათქვამია მიხეილ სააკაშვილის განცხადებაში.
