“საშინლად მომინდა შემოვსულიყავი შენში” _ არქიმანდრიტი ანთიმოზის “ჩვეულებრივი ჩანახატი”

არქიმანდრიტი ანთიმოზი (თამაზ ბიჭიკაშვილი) სოციალურ ქსელში საკმაოდ აქტიურია. მისი პოსტები ხშირად არის განხილვის თემა. განსაკუთრებით მაშინ, როცა თემა პოლიტიკას ეხება.

არქიმანდრიტი მიიჩნევს, რომ სასულიერო პირი პოლიტიკაშ უნდა ერეოდეს:

" ჩვენთან მიღებულია, თითქოს სასულიერო პირი პოლიტიკაში არ უნდა ჩაერიოს. რა იდიოტური აზრია!!! რა, სასულიერო პირს არ უნდა აწუხებდეს საქართველოს იდეოლოგია, პოლიტიკა და მომავალი?

საზოგადოებაში ეს მიღებული მოსაზრება კომუნისტური აზროვნების გადმონაშთად მიმაჩნია, რომელასაც, ეხლა ახალი ათეისტები ამკვიდრებენ. ეს სტერეოტიპი დასანგრევია.

არჩევნებზე, რომ მივდივარ და ხმას ვაძლევ რომელიღაც კანდიდატს, უკვე ვერევი პოლიტიკაში. ხმა მივცე და მერე ხმა არ ამოვიღო?!, _ წერს არქიმანდრიტი ანთიმოზი ფეისბუქის საკუთარ გვერდზე.

გარდა პოლიტიკური სტატუსებისა, მისი კომენტარები და სტატუსები ხშირად ქალბატონებს ეძღვნება, რაც საზოგადოების განხილვის თემა მალევე ხდება. ერთ-ერთი ასეთი სტატუსი მამა ანთიმოზმა ცოტა ხნის წინ გამოაქვეყნა და ასე დაასათაურა: "გველები". არქიმანდრიტი წერს, რომ იგი ეძღვნება ქალს, რომელიც უყვარდა:

"  მე ვნახე სიზმარი-შენ გეძინა. მე ვიყავი შენს ოთახში. საშინლად მომინდა შემოვსულიყავი შენში.

…და მე შემოვედი შენში.

შენ ხედავდი სიზმარს, ნახევრად აბსტრაქციას, ნახევრად რეალობას, ვუყურე, არ მომეწონა.

ჩავეშვი დაბლა, სულის მიუკარებელ სიღრმეებში…და გავოცდი! უფსკრულის პირას ვიხილე ჩემი თავი. მას ეძინა. გავაღვიძე და ვკითხე:

_ აქ რას აკეთებ?

_ ველოდები.

_ რას ელოდები, შე იდიოტო! _ გავბრაზდი მე, _ აქ არასოდეს ჩამოაღწევს სიყვარულის სხივი.

მან ბრიყვული თვალებით შემომხედა და დაიძინა.

ამოვედი მაღლა. შენ ისევ იმ ძველ განზომილებაში-ძველ სიზმარში იყავი.

მოვედი შინ. ჩემი სხეული სამშვინელთან ერთად ფშვინავდა. შევედი მასში, ჩავეშვი სულის მიუკარებელ სიღრმეებში, სადაც ხანდახან ჩამოაღწევს სიყვარულის სხივი და…დავიძინე.

მე ვნახე ამაზრზენი სიზმარი. ვიდექი მუხლებამდე წყალში და წყალი სავსე იყო უამრავი გველით, მილიონი გველით, მილიარდი გველით. ისინი ნელ-ნელა მოცოცავდნენ (აგაცოცდეს Beso Zanguri-სიტყვაა) ჩემს სხეულზე. ლამის იყო გამისკდა გული. უცებ, ერთმა გველმა, ყელზე შემოხვეულმა, ყურში ჩამსისინა:

_ ნუ გეშინია ჩვენი! არ გიკბენთ, რამეთუ შენ არა გაქვს სხეული" _ წერს მამაო და საზოგადოებისთვის განმარტავს, რომ ეს ჩვეულებრივი ჩანახატია და  "სიზმარში მას კი არა, არავის აქვს სხეული"